Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Vitosha Run 2025" dhe një panair shënojnë 130 vjet turizëm të organizuar në vendin tone

Foto: Bashkimi Turistik Bullgar

Duke ndjekur hapat e Alekos dhe ekspeditës së tij legjendare deri në Çerni Vrëh – kështu qindra dashamirës të malit do të festojnë 130 vjetorin e ekskursionit të parë të organizuar turistik në vendin tonë. Festimet jubilare filluan me një program në Klubin Ushtarak në Sofje më 27 gusht dhe do të vazhdojnë deri në fund të muajit – me ceremoni përkujtimore, ngjarje sportive dhe koncerte.

Në ditën e shtunë, më 30 gusht, u vendosën kurora para Teatrit Kombëtar, pas së cilës nisi një program festiv, i udhëhequr nga një orkestër frymore dhe një grup kërcimtaresh, që shkoi në bulevardin "Vitosha" drejt monumentit të Aleko Konstantinov – Fatlumi. U vendosën lule për nder të tij. Mbrëmja përfundoi me një koncert të madh para Pallatit Kombëtar të Kulturës me pjesëmarrjen e Desi Dobrevës dhe grupit "Diana Express".

Kulmi i festës, megjithatë, do të ndodhë të dielën më 31 gusht. Që në agim do të nisin tradicionalet "Marshimet e luanëve" nga fshati Zheleznica, "Urat e Arta" dhe shtëpia e pushimit "Aleko". Në ora 09:00, nga Pallati Kombëtar i Kulturës do të nisë gara malore "Vitosha Run 2025". Pritet që garuesit të mbarojnë rreth mesditës në Çerni Vrëh, ku do të hapet Panairi Kombëtar i Turizmit. Po tek stacioni "Aleko" do të hapet stenda e Bibliotekës së Kryeqytetit me "Bibliobusin". Në ora 13:00 do të shpallen fituesit, ndërsa më pas mysafirët do të shijojnë një koncert të koreve turistike dhe një program të pasur artistik.

Përpiloi: Veneta Nikollova
Përgatiti në shqip dhe publikoi: Kostandina Bello
Foto: Bashkimi Turistik Bullgar, stolica.bg


Последвайте ни и в Google News Showcase, за да научите най-важното от деня!

Më shumë nga rubrika

Turizmi i verës do ta vendosë Bullgarinë si një destinacion gjatë gjithë vitit

Zhvillimi i turizmit të verës si një produkt strategjik, duke plotësuar fushat e forta tradicionale në turizmin bullgar, i cili mund ta shndërrojë vendin në një destinacion gjatë gjithë vitit, ishte fokusi i takimit të Ministrit të Turizmit Mirosllav..

botuar më 25-09-02 9.59.PD

Çmimet në bregdetin bullgar të Detit të Zi po bien ndjeshëm

Paketat all inclusive në kompleksin turistik Sllënçev Brjag po bien ndjeshëm me 30 deri në 50%. Kompleksi ka raportuar një rritje prej 6 deri në 8 për qind të turistëve këtë sezon. Sipas kryetares së Shoqatës së Biznesit Turistik në Bullgari..

botuar më 25-09-01 2.05.MD
Poshtë kreshtës malore Gradishte kalon lumi Bistrica

"Gradishte" – një park përrallor mes mistereve prej guri në Rodopet Perëndimore

Nëse ju jepet rasti, mos e lini pa vizituar këtë vend mistik në Rodopet Perëndimore, në rrugën nga Goce Dellçev në drejtim të qyteteve Satovça dhe Dospat, i njohur me emrin "Gradishte" . Më pak se dy kilometra pas fshatit Dollno Drjanovo, në..

botuar më 25-08-31 9.30.PD