Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Festivali i Kosit në Momçillovci: kulturë, shije dhe tradita të Rodopeve

Foto: festivali.eu

Në Rodope, kosi është simbol i shëndetit, jetëgjatësisë dhe traditës. Nga data 29 deri më 31 gusht 2025, fshati Momçillovci është mikpritës i Festivali i Kosit – një festë që bashkon kulturën, kuzhinën dhe zakonet e Rodopëve.

Ngjarja tre-ditore filloi të premten me shfaqje interesante, të mbushura me meloditë e larmishme të folklorit të rodopeve. Në ditën e shtunë, sheshi i Momçillovcit u mbush me ekspozita të produkteve qumështore dhe artizanate vendase, me demonstrime atraktive të praktikave kulturore tradicionale dhe kineze, ndërsa mysafirët e vegjël morën pjesë në një konkurs pikture dhe një punëtori për fëmijë. Momenti më i shijshëm ishte përgatitja e fasules me kërpudha të rodopeve dhe demonstarimi i "rrahjes së gjalpit". Mbrëmja përfundoi me një shfaqje të shkëlqyer "Bukuria e Rodopëve", konkursin "Miss Rodope – Mbretëresha e Kosit" dhe koncertin e Esill Djuran.

Dita e diel është dedikuar për "Argëtimin e popullit" – me programe folklorike, garat për të pirë më shumë dhallë dhe ngrënien me shpejtësi të kosit, si dhe një shfaqje kulinarie për përgatitjen e supës tradicionale të kurbanit. Do të jepen certifikata speciale për mysafirët nga Kina – një gjest simbolik që thekson lidhjen mes produktit të rodopeve dhe kulturës botërore të ushqimit të shëndetshëm.

Festivali mbledh prodhues dhe mysafirë jo vetëm nga Bullgaria, por edhe nga jashtë, duke e bërë Momçillovcin një skenë të vërtetë për shkëmbimin kulturor. Fshati i Rodopeve mikpret mijëra vizitorë, të cilët kanë mundësinë të provojnë produkte unike prej qumshti, të marrin pjesë në punëtori dhe të përjetojnë shpirtin e gjallë të Rodopëve.

Përpiloi: Veneta Nikollova

Përgatiti në shqip dhe publikoi: Kostandina Bello

Foto: festivali.eu, momchilovtsifest.bg



Последвайте ни и в Google News Showcase, за да научите най-важното от деня!

Më shumë nga rubrika

Fillon Festivali Bullgar i Kumbullës

Mali i Ballkanit, qeramika dhe fruti i kumbullës janë simbol i rajonit të Trojanit . Banorët vendas dinë si t’i ruajnë traditat e tyre. Këtë e dëshmon edhe ngjarja që shënon fundin e vitit bujqësor në fund të çdo shtatori – Festivali Bullgar i Kumbullës..

botuar më 25-09-20 7.05.PD

Fshati Kurtovo Konare fton në festivalin tradicional të lutenicës

Edhe këtë vit, adhuruesit e lutenicës së sapopërgatitur do të kenë mundësinë ta shijojnë këtë kryevepër të shijshme kulinarie në veprimtarinë tradicionale ku ajo është në qendër të vëmendjes – “Festivali Kurtovo Konare”. Programi përfshin një repertor..

botuar më 25-09-13 6.55.PD

Festa e Bukës, Këngës dhe Vallëzimit në qytetin Silistra

Edicioni i gjashtë i Festës së Bukës, Këngës dhe Vallëzimit, me një ekspozitë bukësh dhe prodhimesh të bukës nga Vatrat e Kulturës në komunën e Silistrës, do të mbahet më 12 shtator në orën 18:00 në sheshin “Liria” të qytetit. Programi përfshin..

botuar më 25-09-12 6.10.PD