Në ditët në vijim, së bashku me “Morali, Uniteti, Nderi” (MEÇ) dhe “Aleanca për të Drejtat dhe Liritë” (APS), do të paraqesim një votë mosbesimi mbi temën “Kundërveprim ndaj shtetit të pushtuar”, u tha gazetarëve bashkëkryetari i “Po, Bullgaria”, Ivajllo Mirçev, para fillimit të seancës së parë parlamentare të sezonit të ri politik.

• Deputetët kthehen në parlament pas një pushimi njëmujor

Sipas tij, ajo që po ndodh me institucionet është një rreth oligarkik që e bën Bullgarinë të mos funksionojë dhe se ato janë të varura nga njerëz të caktuar – pjesë e qeverisë.

Deputeti shprehu mendimin se e vetmja gjë që aktualisht mund ta rrëzojë qeverinë është vullneti i “DPS-së - Fillimi i Ri” të Deljan Peevskit. Ai shtoi se sot partia e tij do të shpallë një plan për t'i rezistuar shtetit të pushtuar.

“Vota e mosbesimit është i MEÇ dhe është mbi temën “Rendi dhe Siguria e Brendshme”, ende nuk është saktësuar nëse tema e drejtësisë do të përfshihet në të”, u tha gazetarëve kreu i MEÇ, Radostin Vasilev. Sipas tij, partia e tij është iniciatore e votës së mosbesimit dhe ende nuk është e qartë se kur do të depozitohet.

“Nuk do të lejoj askënd të trondisë shtetin”, kështu Deljan Peevski komentoi qëllimin e opozitës për të paraqitur një votë mosbesimi.

Redaktoi: Diana Cankova

Përgatiti në shqip dhe publikoi: Vesella Mançeva

Foto: dabulgaria.bg