“Dënojmë shkeljen e paprovokuar të hapësirës ajrore” — tha kryeministri Rosen Zheljazkov, gjatë një vizite në qytetin Simitli, lidhur me hyrjen e dronëve në hapësirën ajrore të Polonisë ditën e djeshme. “Pozita jonë është e qartë dhe në përputhje me qëndrimet e të tjerëve. Ne shprehim vendosmërinë e Aleancës për të ndërmarrë të gjitha veprimet e nevojshme, sipas parashikimeve të traktatit”, theksoi ai, cituar nga agjencia BTA. Sipas tij, ngjarja përbën një provokim të panevojshëm që nuk kontribuon në qetësimin e situatës mes Rusisë dhe vendeve të Bashkimit Evropian. Ai shtoi se aktualisht nuk ka sinjale për aktivizimin e nenit 5 të Traktatit të NATO-s, i cili parashikon se “një sulm i armatosur ndaj një ose më shumë prej tyre, në Evropë apo në Amerikën e Veriut, do të konsiderohet si sulm ndaj të gjithave”. Për momentin, me kërkesë të Varshavës, u aktivizua neni 4 i Traktatit të NATO-s, i cili parashikon konsultime ndërmjet vendeve anëtare.

• Bullgaria shprehu solidaritet me Poloninë pas pushtimit të dronëve rusë

• Ministri i Jashtëm Georg Georgiev: Konsultimet e kërkuara të NATO-s nuk nënkuptojnë luftë

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BTA