Përpara votimit të mocionit të pestë të mosbesimit ndaj qeverisë së kryeministrit Rosen Zheljazkov, deputetë të opozitës nga koalicioni “Po e vazhdojmë ndryshimin – Bullgaria Demokratike” bllokuan hyrjen drejt oborrit të brendshëm të parlamentit. Ata deklaruan se nuk do t’i pengonin deputetët të hynin në ndërtesën e Kuvendit Popullor apo në sallën plenare, por kërkuan që të hynin duke ecur më këmbë. Aksioni u organizua në shenjë mbështetjeje për të ndaluarit për korrupsion – kryetarin e bashkisë së Varnës, Bllagomir Kocev, dhe ish-nënkryetarin e bashkisë së Sofjes, Nikolla Barbutov. Sipas opozitës, ata janë të burgosur politikë.

Gjatë hyrjes në parlament, lideri i “Lëvizjes për të Drejtat dhe Liritë – Fillim i Ri”, Deljan Peevski, u përfshi në debate verbale me deputetët pjesëmarrës në bllokadë, raportoi BTA.

Ndërkohë, në orët e mëngjesit, gjatë sigurimit të protestës para parlamentit, një polic pësoi arrest kardiak dhe më pas ndërroi jetë në spital, njoftoi agjencia BGNES.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA