Qeveria e Rosen Zheljazkovit i mbijetoi votës së pestë të mosbesimit, këtë herë me temën "Siguria e Brendshme dhe Drejtësia". Me 133 vota "kundër" nga një total prej 234, deputetët nga GERB-SDS, DPS-Fillimi i Ri, BSP dhe ITN shpëtuan kabinetin. 101 deputetë nga PP-DB, "Vëzrazhdane", APS, MEÇ dhe Veliçie votuan "pro" dhe asnjë nuk abstenoi.
Vota e mosbesimit u shoqërua me protesta. Para fillimit të seancës parlamentare, deputetët e "Po e Vazhdojmë Ndryshimin" (PP) parkuan makina para hyrjeve të parkingut të Kuvendit Popullor me fotografi të kryetarit të arrestuar të Varnës, Bllagomir Kocev, dhe nënkryetarit të kryeqytetit, Nikolla Barbutov, të ngjitura mbi to.
“Sot Peevski dhe Borisov do të duhet të ecin në këmbë sepse protesta për Bllagon dhe Nikolla Barbutov nuk i lejon ata të hyjnë nga hyrja e pasme me gjithë rojën e tyre. Është koha që ata të ecin mes njerëzve”, shprehu qëndrimin e tij ish-kryeministri Kirill Petkov. Pasoi një shkëmbim i shëmtuar fyerjesh midis kreut të “DPS - Fillimi i Ri” Deljan Peevski dhe bashkëkryetarit të PP Asen Vasilev, i cili vazhdoi edhe në sallën plenare.
Më vonë, “Vëzrazhdane” mbajti një protestë antiqeveritare pranë ndërtesës së parlamentit. Njerëzit thanë se do të vazhdonin demonstratat derisa kabineti të jepte dorëheqjen, raportoi gazetari i BNR-së Nikollaj Hristov.
“Resurset e “Po e Vazhdojmë Ndryshimin – Bullgaria Demokratike (PP-DB) nuk janë të mjaftueshme që ato të përfaqësojnë një alternativë funksionale dhe mjaftueshëm të fortë ndaj status quo-së”, komentoi politologu Ognjan Minçev për Radion Kombëtare Bullgare. Dhe sipas kolegut të tij Georgi Kirjakov, “roli i “DPS-Fillimi i Ri” në këtë shumicë dhe qeveri po forcohet gjithnjë e më shumë, dhe partia në pushtet do të varet gjithnjë e më shumë nga Deljan Peevski dhe partia e tij”.
“Ky votim nuk u krye dhe qeveria vazhdon punën e saj për stabilitetin në vend”, tha kryeministri Rosen Zheljazkov pas votimit. Ai komentoi gjithashtu tensionin e sotëm në parlament: “Politika ka të bëjë me fitimin e besimit, jo me mbjelljen e urrejtjes. Vendi për debat është në sallën e parlamentit.”
Redaktoi: Diana Cankova
Përgatiti në shqip dhe publikoi: Vesella Mançeva
Foto: BTA, BGNES
Të mërkurën , temperaturat minimale do të jenë nga 3 deri në 8°, në Sofje – 4°. Në mëngjes, dukshmëria do të zvogëlohet në disa vende të ulëta dhe lugina. Gjatë ditës, do të mbizotërojë mot me diell me rritje të përkohshme të vranësirave, më të..
Partnerët e koalicionit u mblodhën herët në mëngjes në një mbledhje në Kuvendin Popullor për të diskutuar një riformatim të mundshëm të qeverisë. Për një ndryshim të tillë foli javën e kaluar lideri i GERB-it, Bojko Borisov, pas partia zuri vendin e..
Gjatë muajit shtator, Bullgaria është përmendur shtatë herë si vend i lidhur me produkte ushqimore të rrezikshme, sipas të dhënave nga Sistemi Evropian për Paralajmërim të Shpejtë për Ushqime dhe Foragjere, raportoi gazetarja e BNR-së, Veselina..
Zyra e Prokurorit Publik Evropian ka kryer kërkime në Bashkinë e Plovdivit dhe në një kompani të dyshuar për mashtrimе në prokurimеt publike në lidhje me..
Të martën , temperaturat minimale do të jenë nga 2 deri në 7°C, në lugina dhe fushat e larta deri në -2°C; në Sofje pritet një minimum prej 1°C. Në..
Dyshimet për mashtrim në shkallë të gjerë me fondet e BE-së në një projekt për ndërtimin e një ferme midhjesh në Detin e Zi - në juglindje të Kepit Emine..
Vranësira të ndryshueshme mundësi për reshje shiu
Vranësira të dendura
Vranësira