Shoqata bullgaro-zvicerane "Kanatica", ruajtëse e traditave, gjuhës dhe kulturës bullgare, përcolli një përshëndetje përmes Facebook-ut drejtuar bullgarëve në mbarë botën me rastin e 22 shtatorit – Ditës së Pavarësisë së Bullgarisë. “Në 22 shtator, Bullgaria kremton një nga ngjarjet më të rëndësishme të historisë së saj moderne. Më 22 shtator 1908, shteti bullgar, një nga më të vjetrit në Evropë, shpalli pavarësinë e vet”. Shoqata “Kanatica”, e themeluar në vitin 2021 si shoqata udhëheqëse e komunitetit bullgar në Zvicër dhe në pjesë të Francës fqinje, thekson rëndësinë e kësaj dite për identitetin kombëtar bullgar.
Me rastin e festës, kryeministri Rosen Zheljazkov do të jetë i ftuar i veçantë në pritjen zyrtare për komunitetin bullgar në Nju Jork, organizuar nga Konsullata e Përgjithshme e Bullgarisë. Ai ndodhet në SHBA në krye të delegacionit bullgar për sesionin e 80-të të Asamblesë së Përgjithshme të OKB-së.
Dita e Pavarësisë u përkujtua gjithashtu edhe nga komuniteti i bashkuar i bullgarëve në Afrikën e Jugut. Të dielën, nxënësit e Shkollës Bullgare “Sllënço” (Dielli) prezantuan një program festiv. Kjo shkollë u ofron fëmijëve të bashkatdhetarëve, që jetojnë 12 mijë kilometra larg atdheut, mundësinë të mësojnë gjuhën bullgare dhe të njihen me kulturën bullgare. Në Afrikën e Jugut jetojnë mbi 4 mijë bullgarë.
Edhe festa e hapjes së vitit të ri shkollor në Shkollën Bullgare në Sao Paulo, që u mbajt më 21 shtator, iu kushtua Ditës së Pavarësisë së Bullgarisë. “Në duam të falënderojmë të gjithë bullgarët nga komuniteti bullgar në Brazil dhe bullgarët besarabë që mbushën sallën”, shkroi në rrjetet sociale Mihaill Krëstanov, themeluesi i shkollës së vetme bullgare në Amerikën e Jugut, e hapur që në vitin 2009.
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: Shoqata Bullgaro-Zvicerane për Kulturë, Tradita dhe Arsim "Kanatica", Facebook/ Pavlinka Kovatcheva, Facebook/ Mihail Krastanov
Ekspozita “Mesazhi Bullgar nga Basarabia” e piktorëve Ivan Shishman dhe Zllata Shishman do të hapet më 29 tetor – Ditën e Bullgarëve të Basarabisë, në hollin prej mermeri të Kuvendit Popullor në Sofje, njoftoi BTA. Ngjarja organizohet me iniciativën e..
Të mërkurën , temperaturat minimale do të jenë nga 1 deri në 6°, ndërsa në Sofje – 1°. Në mëngjes , në disa zona të sheshta të vendit, do të ketë kushte për dukshmëri të reduktuar. Gjatë ditës do të mbajë kryesisht mot me diell. Do të fryjë..
Shuma e pagës minimale nga 1 janari 2026 do të jetë më e ulët se ajo e parashikuar në Kodin e Punës. Këtë e tregon projektbuxheti i sigurimeve shoqërore, të cilin disponon BNR “Horizont”. Sipas informacioneve tona, paga minimale do të jetë 605 euro,..
Prokuroria ngriti akuza të reja ndaj kryetarit të Bashkisë së qytetit Varna, Bllagomir Kocev, dhe sqaroi disa nga akuzat e mëparshme, raportoi gazetarja..
Të martën , temperaturat minimale do të lëvizin nga 3 deri në 8°, në Sofje – rreth 4°. Para mesditës , vranësirat do të jenë të dendura dhe në disa..
Do të bëhet gjithçka e mundur që asnjë shtresë e popullsisë të mos dalë e dëmtuar – për këtë siguroi ministri i punës dhe politikës sociale, Borisllav..
Pjesërisht me re