Shkencëtarë nga Bullgaria, Sllovakia, Serbia dhe Republika Çeke po bashkojnë forcat në projektin "SeNaTa" - "Nanostruktura magnetike vetëngrohëse për aplikime teranostike", i koordinuar nga Instituti i Katalizës në Akademinë Bullgare të Shkencave, i kryesuar nga Prof. i Asociuar Dr. Hristo Kolev. Qëllimi është të zhvillohen nanomateriale magnetike inovative që mund të diagnostikojnë dhe trajtojnë njëkohësisht kancerin, njoftoi Akademia Bullgare e Shkencave.

Nanopjesëzat magnetike kanë vetinë unike të ngrohjes kur ekspozohen ndaj një fushe magnetike alternative. Kështu, ato mund të shkaktojnë një rritje lokale të temperaturës në indin tumoral në 42 - 46 °C - e ashtuquajtura hipertermi magnetike, e cila çon në shkatërrimin e qelizave kancerogjene. Përveç kësaj, duke u lidhur me izotopet radioaktive, nanopjesëzat fitojnë edhe një funksion diagnostikues. Rezultatet e para janë botuar tashmë në revista shkencore ndërkombëtare dhe konfirmojnë potencialin e qasjes së re.

Lexoni më shumë në arkivin tonë:

• Bullgaria i bashkohet një rrjeti evropian për trajtimin e kancerit

• Komisioni i parë online onkologjik në vendin tonë këshillon gratë me kancer gjiri

• 22 organizata u bashkuan në një Aleancë Kombëtare të Onkologjisë

• Një ekip bullgaro-amerikan bëri një softuer për ndihmë të grave me kancer të gjirit

• Analiza e gjeneve të modifikuara që shkaktojnë kancer tashmë do të bëhet në Bullgari

• Çdo vit 30 000 bullgarë diagnostikohen me kancer

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: Akademia Bullgare e Shkencave