Për shkak të mungesës së fuqisë punëtore, gjithnjë e më shumë punëdhënës bullgarë po sjellin punëtorë nga jashtë, tregojnë të dhënat e Agjencisë së Punësimit. Deri tani, u lëshuan mbi 35 mijë leje pune për këtë vit. “Ky do të jetë një vit rekord sa i përket numrit të regjistrimeve të punëtorëve nga vende jashtë Bashkimit Evropian në Bullgari”, tha për BNT Tomço Tomov, drejtor i Qendrës Kombëtare për Vlerësimin e Kompetencave pranë Dhomës Ekonomike Bullgare (BKS). Punëtorët që vijnë më shpesh në Bullgari janë nga Uzbekistani, Turqia, Kirgistani, Nepali, India dhe Indonezia. Ndërkohë, vazhdon edhe kthimi i bullgarëve nga jashtë vendit. “Vetëm këtë vit u kthyen rreth 60 mijë vetë. Nga 2,5 milionë bullgarë që jetojnë jashtë, në një periudhë prej dy ose tre vitesh, rreth 400 mijë u kthyen në atdhe”, shtoi Tomov.

Ndërkohë që në tregun e punës ka një mungesë serioze të fuqisë punëtore, rreth 800 mijë persona mbeten jashtë tij, sipas të dhënave të vetë punëdhënësve. Sipas Tomço Tomov, “këta janë njerëz që nuk punojnë, nuk mësojnë dhe janë joaktivë. Vetëm të rinjtë deri në moshën 29 vjeç që as punojnë e as studiojnë janë rreth 200 deri në 250 mijë veta.”

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BGNES