Ministri i Brendshëm Daniell Mitov zhvilloi një takim pune me Ambasadorin e Republikës së Kosovës në Sofje, Sh. e Tij Haxhi Bajraktari. U diskutua bashkëpunimi dypalësh në fushën e punëve të brendshme dhe mundësitë për thellimin e tij.

Ministri i Brendshëm shprehu mbështetjen e Bullgarisë për integrimin e Kosovës në BE dhe gatishmërinë për të ndarë përvojën në të gjitha fushat me interes të ndërsjellë. Ai theksoi trajnimin e nëpunësve të policisë dhe mbështetjen që Akademia e Ministrisë së Brendshme mund të ofrojë në këtë fushë.

Ambasadori Bajraktari falënderoi për propozimet e bëra dhe e cilësoi Bullgarinë si një mik dhe aleat tek i cili shpreson Kosova për mbështetje në rrugën e saj drejt integrimit evropian. Ai ndau dëshirën e vendit të tij për të nënshkruar një marrëveshje për njohjen reciproke të lejeve të drejtimit të automjeteve, e cila u mbështet nga Ministri Mitov.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: MPB