Ekipi kombëtar i volejbollit u prit me një qilim të kuq dhe një roje nderi  duke mbërritur në aeroportin e Sofjes. Të dielën, kombëtarja bullgare, e udhëhequr nga trajneri Xhanlorenco Blendzini, fitoi medaljet e argjendta në Kampionatin Botëror për meshkuj në Filipine.

Ndër pritësit ishte edhe zëvendëskryeministri Atanas Zafirov dhe familjet e sportistëve. Të gjithë anëtarët e ekipit u kurorëzuan me kurora dhe morën nga një trëndafil të bardhë secili. Ministri i sportit, Ivan Peshev, i dorëzoi ekipit një çek prej 520 000 leva.

Federata e Volejbollit dhe Bashkia e Sofjes organizojnë një ceremoni për pritjen e ekipit në Sheshin “Shën Aleksandër Nevski” pas orës 17:00.

Volejbollisti Simeon Nikollov deklaroi se të gjithë në ekip janë jashtëzakonisht të emocionuar nga ceremonia në Aeroportin “Vasill Levski”. “Çdokush gëzohet kur dëgjon “Bravo” nga prindërit e vet”, shtoi Nikollov, i cili nga sezoni i ri do të luajë për “Lokomotiv” Novosibirsk.

Lexoni më shumë për suksesin e bullgarëve në arkivin e Radio Bulgarisë:

• Kombëtarja e volejbollit do të luajë në 1/8 e finales Ditën e Pavarësisë

• Bullgaria do të luajë në çerekfinale të Kampionatit Botëror të Volejbollit

• Volejbollistët bullgarë janë në gjysmëfinalen e Kampionatit Botëror pasi mposhtën SHBA-në

• Bullgaria është pretendente për medaljen e artë në Kampionatin Botëror të Volejbollit

• Bullgaria u rikthye në hartën botërore të volejbollit – pas 55 vitesh është përsëri e argjendtë!

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BGNES