Gjatë natës në vend do të ketë vranësira të shpërndara, në shumë zona të pakta. Do të fryjë erë e dobët nga perëndimi. Temperaturat minimale do të jenë midis 5° dhe 10°, pak më të larta përgjatë bregdetit, ndërsa në Sofje rreth 6°.
Të mërkurën vranësirat do të jenë të shpërndara, në shumë zona shpesh të konsiderueshme. Pasdite në rajone të veçanta në malet Rilla dhe Rodopet do të ketë reshje shiu. Do të fryjë erë e dobët deri mesatare nga perëndimi. Temperaturat maksimale do të jenë nga 15°-16° në rajonet perëndimore deri në 23° në zonat juglindore të vendit, ndërsa në Sofje rreth 16°.
Në mbrëmje nga perëndimi do të fillojë shtim i shpejtë i vranësirave dhe do të bjerë shi. Gjatë natës dukke u gdhirë dita e enjte në zonat perëndimore reshjet do të jenë intensive dhe të konsiderueshme në sasi. Era do të riorientohet nga veri-lindja, do të forcohet dhe me të do të depërtojë ajër i ftohtë.
Në male, vranësirat do të jenë të dendura. Pasdite, në zonën e maleve Rilla dhe Rodopet do të ketë reshje shiu, ndërsa mbi rreth 2000 metra lartësi – reshje bore. Gjatë natës duke u gdhirë e enjtd, reshjet do të intensifikohen. Temperatura maksimale në lartësi 1200 metra do të jetë rreth 12°, ndërsa në 2000 metra – rreth 5°.
Në bregdetin e Detit të Zi, do të ketë vranësira të ndryshueshme, pothuajse pa reshje. Do të fryjë erë e lehtë nga perëndimi-veriperëndimi, e cila rreth dhe pas mesditës do të kthehet në drejtim lindje-verilindje. Temperaturat maksimale do të jenë mes 16° dhe 20°. Temperatura e ujit të detit është 21°–22°. Dallgëzimi i detit do të jetë 1–2 ballë, por gjatë natës duke u gdhirë dita e enjte pritet të rritet.
Të enjten dhe të premten moti do të jetë i vranët me reshje shiu, ndërsa në male mbi 1800 metra – reshje bore. Në shumë zona, reshjet do të jenë përkohësisht intensive dhe të konsiderueshme në sasi. Do të fillojë një rënie e ndjeshme e temperaturave. Temperaturat do të jenë pothuajse pa ndryshim gjatë ditës – nga 6–7° në rajonet perëndimore deri në 19–20° në rajonet juglindore dhe përgjatë bregdetit të Detit të Zi.
Të premten, në Bullgarinë Perëndimore, edhe në lartësi nën 1000 metra, reshjet e shiut do të kalojnë në borë.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: BGNES
Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur..
Çmimi mesatar i banesave të blera në Sofje në tremujorin e tretë të vitit 2025 arriti në 2,310 euro/m², që është një rritje vjetore prej 25.5%, sipas të dhënave nga Bulgarian Properties. Ndërtimet e reja mbeten më të preferuarat, por mungesa e..
Botimi i katërmbëdhjetë i DiVino.Taste – forumi më i rëndësishëm i përkushtuar verës bullgare dhe mjeshtërve të saj – do të mbahet nga 28 deri më 30 nëntor në Qendrën Inter Expo në Sofje. Në të do të prezantohen mbi 80 prodhues nga të gjitha rajonet e..
Reshje
Vranësira
Reshje intensive