Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Të rinjtë bullgarë preferojnë studimet në Holandë

Foto: BTA

Gjatë vitit akademik 2025/2026, Holanda, Austria, Gjermania, Italia dhe Spanja janë ndër vendet më të kërkuara për arsimin e lartë nga maturantët bullgarë. Këtë e bëri të ditur Nikollaj Hristanov në edicionin e vjeshtës të panairit “Arsimi Botëror”. Sipas statistikave të përmendura, 27% e të gjithë studentëve të rinj të regjistruar zgjodhën Holandën, e ndjekur nga Austria me 12% dhe Spanja me 11%. Gjermania dhe Italia renditen në pozicionet pasuese me nga 9% secila, ndërsa Mbretëria e Bashkuar tërheq vetëm 8% të kandidatëve, raportoi BTA.

Nxënësit bullgarë vazhdojnë të orientohen drejt degëve si biznes dhe menaxhim, teknologji kompjuterike, ekonomi dhe shkenca inxhinierike. Në të njëjtën kohë, po rritet interesi për degët kreative, si dhe për programet e lidhura me inovacionin dhe teknologjinë – inteligjencën artificiale, mediat digjitale dhe robotikën.

Nikollaj Hristanov njoftoi se gjatë pesë viteve të fundit, numri i kandidatëve për universitetet britanike ra ndjeshëm për shkak të Brexit-it dhe ndryshimit të kushteve financiare për studentët nga BE.

Në të kundërtën, Holanda u pozicionua si lidere, me mbi 5400 studentë bullgarë në vitin 2024. Universitetet atje dallohen për tarifa të përballueshme, një portofol të pasur programesh dhe mundësi financimi.

Gjermania mbetet një zgjedhje tradicionale për nxënësit nga gjimnazet me mësimdhënies së gjuhës gjermane, të cilët shpesh orientohen drejt universiteteve elitare.

Finlanda dallohet si një destinacion i ri në rritje, falë modelit të saj modern arsimor dhe pjesëmarrjes aktive të universiteteve të saj në panairet “Arsimi Botëror”.


Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA



Последвайте ни и в Google News Showcase, за да научите най-важното от деня!

Më shumë nga rubrika

Kanë kaluar tashmë 200 vjet që bullgarët e Besarabisë dhe të Tavrisë mallëngjehen për atdheun e tyre të lashtë

Në fillim të luftës midis Rusisë dhe Ukrainës, bullgarët e Besarabisë në të gjitha vendet e tyre e pritën festën e tyre me lutje për paqe. Gati katër vjet më vonë, të mbushur me edhe më shumë dhimbje, ata e përkujtojnë ditën e tyre të veçantë, të..

botuar më 25-10-29 1.00.MD

Shpallen Fituesit e Çmimeve Letrare Mbarëkombëtare “At’ Gjergj Fishta”

Në Pallatin e Kulturës “Ded Ndue Lazri” në Lezhë u zhvillua ceremonia e ndarjes së Çmimeve Letrare Mbarëkombëtare “At’ Gjergj Fishta”. Ky edicion i çmimeve, tashmë me pesë vite traditë, vlerëson veprat më të spikatura të letërsisë shqipe në një hapësirë..

botuar më 25-10-28 9.40.MD

Nxënësit bullgarë fituan katër medalje në Olimpiadën Ndërkombëtare të Astronomisë dhe Astrofizikës në Rumani

Ekipi bullgar u kthye me katër medalje nga Olimpiada Ndërkombëtare Rinore e Astronomisë dhe Astrofizikës, e cila u zhvillua në qytetin rumun Pjatra Njamc, njoftoi qendra e shtypit e Ministrisë së Arsimit dhe Shkencës. Në garë morën pjesë 108..

botuar më 25-10-27 5.54.MD