Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Plovdiv me një atraksion të ri – një orë antike uji mat kohën në Sahat Tepe

Foto: BNR - Plovdiv

Në majën e kodrës Sahat Tepe në Plovdiv, këto ditë u përurua një orë e lashtë uji – klepsidër, e rikonstruktuar sipas modeleve antike. Kjo është e vetmja orë e tillë e vendosur në ambient të hapur në Bullgari, dhe tashmë është atraksioni më i ri turistik i qytetit.

Ajo është ndërtuar nga tunxh, bakër, hekur dhe granit, dhe përbëhet nga dy pjesë: sipër janë të shënuara muajt, orët dhe minutat, ndërsa poshtë ndodhet mekanizmi me ujë që e vë në lëvizje gjithë sistemin. Atraksioni ndodhet pranë kullës televizive.

Historia e klepsidrës në Plovdiv na kthen pas në epokën romake. Sipas burimeve historike, një orë me ujë ka ekzistuar në Filipopolin e lashtë që ndërmjet viteve 126–161 pas Krishtit, e ndërtuar në tempullin e perëndeshës Venus. Një tjetër prototip i saj është dokumentuar në këmbët e Sahat Tepes (Kodra e Sahatit) në vitin 193 pas Krishtit. Pajisje të tilla ishin jashtëzakonisht të rralla në botën antike – të ngjashme gjenden vetëm në Athinë dhe Aleksandri.
Klepsidra e sotme është krijuar nga mjeshtri i Plovdivit Viktor Limonov, përfaqësues i brezit të tetë të këtij zanati dhe autor i kambanës në kullën e Sahat Tepes. Shoqata “Trimoncium” dhuroi 40,000 leva për ndërtimin e saj.

Përpiloi: Veneta Nikollova

Përgatiti në shqip dhe publikoi: Kostandina Bello

Foto: BNR - Plovdiv



Последвайте ни и в Google News Showcase, за да научите най-важното от деня!

Më shumë nga rubrika

Uji mineral dhe turizmi – burimi i jetesës në qytetin Devin sot

Devin - "qyteti i ujërave minerale", ndodhet në një nga rajonet më piktoreske të Bullgarisë - i fshehur në pjesën jugperëndimore të vargmalit më të gjerë bullgar, Rodopet, përgjatë lumit Vëça. Në afërsi të tij ndodhen dhjetëra monumente natyrore dhe..

botuar më 25-09-30 7.15.PD

Përtej reve – shkëmbinj dhe balona sërish në një kërcim magjik mbi Bellogradçikun

Bellogradçiku dhe shkëmbinjtë e tij të famshëm botërisht janë sërish skena e një spektakli magjik. Për pesë fundjava radhazi – nga 19 shtatori deri më 19 tetor – qyteti është mikpritës i edicionit të pestë të Festivalit të Balonave. Pritet që mbi 5 mijë..

botuar më 25-09-27 9.10.PD

Luks antik dhe përjetime moderne – Vila “Armira” e rinovuar bëhet një hit turistik

Në Rodopet Lindore, në vendin ku patrikët romakë pinin verë nën kolona mermeri, sot turistët veshin toga autentike dhe mahniten nga mozaikët origjinalë të shekujve II-III. Vila “Armira” – e vetmja rezidencë aristokratike romake e ruajtur në Ballkan me..

botuar më 25-09-20 9.15.PD