Snowboardistja gjashtëmbëdhjetëvjeçare Malena Zamfirova fitoi çmimin e madh të Komiteteve Olimpike Evropiane për sportistin më të mirë të ri, njoftoi agjencia BTA. “Jemi shumë të lumtur që vajza jonë jashtëzakonisht e talentuar u vlerësua nga të gjitha komitetet nga e gjithë Evropa. Kur dorëzuam kandidaturën, as që ëndërronim se një sportist bullgar do të ishte në skenë dhe do të merrte çmimin më të madh”, komentoi kryetarja e Komitetit Olimpik Bullgar, Vesella Leçeva.
Gjatë këtij viti, bullgarja fitoi medalje ari në garën ekipore të sllallomit paralel dhe medalje argjendi në sllallomin paralel dhe në sllallomin gjigand paralel në Kampionatin Botëror të të Rinjve të FIS-it në Zakopane, Poloni.
Në seminarin e 45-të të Komiteteve Olimpike Evropiane, disa orë para votimit, Malena Zamfirova mbrojti qëndrimin për mbajtjen e sllallomit gjigand paralel në programin olimpik. Fjalimi i saj u prit me duartrokitje nga e gjithë salla dhe ajo mori përgëzime nga kryetari i EOK, Spiros Kapralos, dhe nga komisioneri evropian Glen Mikalef.
Redaktoi: Diana Cankova
Përgatiti në shqip dhe publikoi: Svetllana Dimitrova
Foto:
Kikboksieri më i suksesshëm bullgar, Stojan Koprivlenski, nuk arriti të mbrojë titullin e tij të vitit 2024 në kategorinë deri në 70 kg në superturneun K-1 World Max, i cili u zhvillua në Tokio më 15 nëntor. Sipas rregullave të garës, titulli shkon tek..
Piloti bullgar Nikolla Collov do të debutojë para përfundimit të sezonit në Formula 2, njoftoi ekipi i tij Campos Racing. Ai do të marrë pjesë në dy raundet e fundit të vitit në Katar dhe Abu Dabi. Nikolla Collov do të mbetet në vitin 2026 në Campos..
Nënkampionia olimpike në gjimnastikë ritmike nga Lojërat në Paris dhe kampionia evropiane për vitin 2023 Borjana Kalejn është kandidatja bullgarë për anëtare të Komisionit të Atletëve të Komitetit Olimpik Evropian. Zgjedhjet do të zhvillohen..
Reshje
Vranësira
Reshje intensive