Detyra më e rëndësishme është të gjejmë një zgjidhje për luftën në kontinentin tonë përmes diplomacisë dhe është e domosdoshme të vendosim paqe të qëndrueshme. Kjo u deklarua nga Presidenti Rumen Radev në kryeqytetin estonez Talin, ku mori pjesë në një takim të grupit "Arraiolos".

Radev mirëpriti marrëveshjen për fazën e parë të planit të paqes të Presidentit Donald Trump për t'i dhënë fund luftës në Gaza dhe deklaroi mbështetjen e tij për zbatimin e zgjidhjes me krijimin e dy shteteve, si e vetmja rrugë e qëndrueshme për një zgjidhje të përhershme të konfliktit në Lindjen e Mesme.

Bullgaria mirëpret armëpushimin midis Izraelit dhe Hamasit, i cili mund të jetë hapi i parë drejt një paqeje të qëndrueshme, tha Ministria e Punëve të Jashtme në një deklaratë për mediat. "Është me rëndësi të madhe që faza e parë e planit të paqes në Gaza të zbatohet pa vonesë, gjë që do t'u sjellë lehtësim familjeve të pengjeve dhe do të zvogëlojë vuajtjet e njerëzve në Gaza", thuhet në deklaratë.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BTA