Radioja Kombëtare Bullgare (BNR) mund të zgjerojë transmetimet e saj në Moldavi, veçanërisht në rajonin e Taraklias. Kjo u diskutua nga Ambasadori i Republikës së Moldavisë në Sofje Emil Zhakota dhe Drejtori i Përgjithshëm i BNR-së Milen Mitev, raporton BTA, duke cituar agjencinë moldaviane MOLDPRES.

Një njoftim për shtyp nga ambasada moldaviane në Sofje analizoi mundësitë për zgjerimin e transmetimit të programeve të BNR-së, si dhe për vazhdimin e organizimit të konkurseve edukative kushtuar të rinjve.
"Bashkëbiseduesit theksuan rëndësinë e popullarizimit të gjuhës, kulturës dhe identitetit bullgar midis brezave të rinj përmes mediave dhe projekteve edukative që do të kontribuonin në ruajtjen e traditave dhe forcimin e lidhjeve midis Moldavisë dhe Bullgarisë", thuhet në tekst.
BNR transmeton dy kanale kombëtare, disa stacione rajonale, përfshirë Radio Bullgarinë, e cila ofron programe në 11 gjuhë.
Redaktoi: Ivo Ivanov
Përgatiti në shqip dhe publikoi: Vesella Mançeva
Foto: moldpres.md, BNR
Festa e familjes së krishterë çdo vit është arsye për takim të bashkatdhetarëve tanë në Hamburg. Viti 2025 nuk bën përjashtim dhe ftesa prej kohësh qarkullon në rrjetet sociale, sepse bashkatdhetarët tanë do të festojnë solemnisht 20 vjet nga krijimi i..
Kamerat e sigurisë filmuan një ari në një lagje banimi të qytetit Karllovo para disa ditësh. Grabitqari zbriti deri te shtëpitë në pjesën veriore të qytetit dhe u shëtit pa u shqetësuar nëpër rrugë , derisa u tremb nga një makinë që kalonte. Pas..
Më 21 dhe 22 nëntor 2025, në sallën "Xhon Atanasov" të Parkut Teknologjik të Sofjes do të mbahet edicioni i 11-të i "Tregut të Profesioneve". Forumi synon të mbështesë orientimin e hershëm në karrierë të të rinjve në vendin tonë...