Le ta shndërrojmë inovacionin në një aleat, jo në një pengesë të re për të drejtat e njeriut. Nuk mund të lejojmë që gratë të paguajnë çmimin e padukshëm të progresit dixhital dhe inteligjencës artificiale. Këtë e deklaroi Zëvendëspresidentja Ilijana Jotova në një fjalim në Samitin Botëror të Lidershipit për Gratë në Pekin me mbi 800 pjesëmarrës nga e gjithë bota, njoftoi shërbimi për shtyp i kreut të shtetit. Forumi "E Ardhmja e përbashkët: Një proces i ri dhe i përshpejtuar për zhvillimin gjithëpërfshirës të grave" u hap nga Presidenti kinez Xi Jinping.

Zëvendëspresidentja theksoi se Bullgaria po bën përparim të konsiderueshëm në parimet e programit "Gratë, paqja dhe siguria". Ajo dha një shembull të grave në shërbimin diplomatik bullgar. Atje ato janë 50%, me 40 për qind në pozicione drejtuese. Jotova theksoi se që nga viti 1996, Bullgaria ka pasur 6 gra si ministre të jashtme.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: president.bg