Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një shtetas bullgar është midis pengjeve të liruara në Gaza

Matan Angrest
Foto: bntnews.bg

Midis njëzet pengjeve të gjallë izraelitë të mbajtur deri më tani nga lëvizja islamiste palestineze Hamas në Rripin e Gazës, është Matan Angrest, i cili ka edhe shtetësi bullgare, u bë i qartë nga një postim i ministrisë izraelite në rrjetin social "X". Këtë mëngjes ai u lirua së bashku me gjashtë të ndaluar të tjerë, i ndjekur nga trembëdhjetë të tjerët.

Ushtria izraelite më vonë tha se të gjithë pengjet ishin dorëzuar. Ata do të ribashkohen me familjet e tyre në bazën ushtarake të Reimit në Izraelin Jugor, përpara se të transportohen në spitale për ekzaminime dhe trajtime të mëtejshme.

Ambasada Bullgare në Izrael kujtoi në rrjetet sociale se shtetasi 22-vjeçar izraelito-bullgar Matan Angrest, i cili është ushtar nga ushtria izraelite, u rrëmbye më 7 tetor 2023 nga Hamasi nga tanku i tij pranë Nahal Oz dhe kaloi 738 ditë në robëri.

«Jemi shumë të lumtur që je në shtëpi, Matan!» bëri të ditur misioni ynë diplomatik.

“Me lehtësim të madh mirëpresim lirimin e 20 pengjeve izraelite nga Gaza, përfshirë edhe pengun bullgaro-izraelit Matan Angrest”, shkroi Ministria e Jashtme bullgare në rrjetin social “X”. Institucioni komentoi se ky është një moment i rëndësishëm që jep shpresë për zbatimin e pikave të mbetura të planit të Presidentit të SHBA-së Donald Trump për arritjen e një paqeje të drejtë dhe të qëndrueshme në Lindjen e Mesme.

Redaktoi: Diana Cankova

Përgatiti në shqip dhe publikoi: Vesella Mançeva

Foto: bntnews.bg




Последвайте ни и в Google News Showcase, за да научите най-важното от деня!

Më shumë nga rubrika

“Podkrepa” fillon protesta në administratat kryesore shtetërore

Sindikata e punonjësve administrativë “Podkrepa” fillon një sërë aksionesh proteste në administratat kryesore shtetërore në të gjithë vendin, raporton BGNES. E para prej tyre është sot, 20 nëntor, në mesditë përpara Zyrës Qendrore të Institutit..

botuar më 25-11-20 10.01.PD

Ekspertët diskutojnë aksesin e nxënësve në rrjetet sociale

Ministria e Arsimit dhe Shkencës po organizon një tryezë të rrumbullakët kombëtare më 20 nëntor me temën "A janë të nevojshme kufizimet në aksesin e fëmijëve në rrjetet sociale?". Iniciativa është një iniciativë e përbashkët me komisionet parlamentare..

botuar më 25-11-20 4.15.PD

Parashikimi i motit për 20 nëntorin 2025

Të enjten temperaturat minimale do të jenë nga 5 deri në 10°, në Bullgarinë e Jugut mes 13 dhe 15°, ndërsa në Sofje rreth 7°. Gjatë ditës vranësirat do të pakësohen përkohësisht dhe reshjet do të ndalen. Era në lugina dhe zona të ulëta do të..

botuar më 25-11-19 7.35.MD