Një laborator i përbashkët kërkimor i “LB Bulgaricum” dhe atij japonez “Meiji” do të hapet në gjysmën e parë të vitit 2026. Ai do të zhvillojë produkte të reja dhe do të studiojë përfitimet e kosit tradicional bullgar. Kjo u njoftua pasi Ministri i Ekonomisë Petër Dillov dhe Katsunari Matsuda, Drejtor Ekzekutiv i “Meiji Holdings Co”, diskutuan zhvillimin e marrëdhënieve midis “LB Bulgaricum” dhe “Meiji”. Në takimin në Tokio në selinë e korporatës mori pjesë edhe Ambasadorja e Bullgarisë në Japoni Marieta Arabaxhieva.

Matsuda theksoi se “Meiji” ka prodhuar kos për tregun japonez për më shumë se 50 vjet nën emrin "Kos Bullgar", duke popullarizuar kështu emrin e vendit. 95% e japonezëve janë të njohur me kosin bullgar dhe mbi 20 milionë japonezë e fillojnë ditën e tyre me kos bullgar, u bë e qartë në bisedë. “Meiji” është prodhuesi më i madh i qumështit në Japoni, kujton BTA.

Mësoni më shumë për kosin e famshëm bullgar nga arkivi i Radio Bullgarisë:

• Për kosin bullgar, për bakterin e dobishëm dhe për zbuluesin e tij

• Maria Kondratenko: Perëndimi nuk arriti të zbulojë sekretin e kosit bullgar

• Për kosin bullgar dhe zhvillimin e turizmit