Për të tretin vit radhazi, fondacioni “Karin Dom” – Varna po organizon iniciativën bamirëse “Çmimet Ivan Stançov” në kujtim të diplomatit bullgar dhe themeluesit të organizatës – ambasadorit Ivan Stançov, njoftoi organizata civile. Më 23 tetor do të ndahen çmimet për biznes të përgjegjshëm, institucion dhe kontribut personal për të ardhmen e fëmijëve.

Në vitin 1996, ambasadori bullgar në Londër, Ivan Stançov, themeloi një fondacion për të ndihmuar fëmijët me nevoja të veçanta. Ai e transformoi shtëpinë e familjes së tij në Kopshtin e Detit në Varna në “Karin Dom” – në emër të kushërirës së tij me paralizë cerebrale, dhe mblodhi një ekip të vogël specialistësh në të, të cilët, me ndihmën e kolegëve nga Anglia, studiojnë metodat më moderne terapeutike. Kështu, çdo vit fondacioni ofron shërbime dhe terapi profesionale për mbi 400 fëmijë dhe familje nga i gjithë vendi.
Mbrëmja do të hapet me një diskutim mbi fuqinë e bamirësisë, vullnetarizmit dhe ndërtimit të një komuniteti të angazhuar pas kauzave kuptimplote. Do të nderohen kompanitë, iniciativat, institucionet dhe personat që kanë kontribuar në bamirësi dhe në të ardhmen e fëmijëve.
Lexoni më shumë në arkivin e Radio Bullgarisë:
Redaktoi: Diana Cankova
Përgatiti në shqip dhe publikoi: Vesella Mançeva
Foto: karindom.org
Më 11 nëntor, Kisha Ortodokse Bullgare përkujton Shën Minain, martir të madh dhe mrekullibërës, i cili vuajti për Krishtin në Egjipt në shekullin IV. I lindur në Egjipt, Shën Minai shquhej për guximin dhe besimin e palëkundur. Ai ishte ushtar në..
Më 10 nëntor mbushen 36 vjet nga fillimi simbolik i tranzicionit nga sistemi njëpartiak drejt demokracisë në Bullgari. Një ditë pas rënies së Murit të Berlinit – më 10 nëntor 1989 – plenumi i Partisë Komuniste Bullgare, që ishte në pushtet atëherë, e..
Sapo të fillojë të ftohet moti, vjen koha për përgatitjen e turshisë. Përgatitja e kësaj delikatese dimërore në kushte shtëpie është një traditë e përhapur gjerësisht dhe pothuajse nuk ka familje bullgare që të mos vendosë në tryezën e saj këto perime..