Të premten, temperaturat minimale do të jenë nga 10 deri në 15°, në Sofje - 10°. Në mëngjes, do të bjerë shi në rajonet perëndimore të vendit. Gjatë ditës, do të jetë me vranësira dhe do të ketë shi nga perëndimi në lindje. Pas drekës, ato do të ndalen, më së voni në rajonet juglindore, dhe vranësirat do të ndërpriten. Era do të orientohet nga perëndimi-veriperëndimi, do të jetë mesatare, në Fushën e Danubit dhe Fushën e Epërme Trake - e fortë. Temperaturat maksimale do të jenë nga 19 deri në 24°, në kryeqytet do të jetë rreth 19°.

Përgjatë bregdetit të Detit të Zi moti do të jetë me vranësira me reshje. Temperaturat maksimale të ajrit do të jenë midis 20 dhe 23°. Temperatura e ujit të detit është 17-19°. Dallgëzimi i detit do të jetë 2-3 ballë.

Në male moti do të jetë me vranësira dhe me shi, mbi 2200 metra - me borë. Do të fryjë erë e fortë dhe e stuhishme nga perëndimi-jugperëndimi. Temperatura maksimale në lartësinë 1200 m do të jetë rreth 12°, në 2000 m rreth 5°.

Të shtunën do të ketë vranësira të ndryshueshme dhe pas mesditës në disa vende të caktuara në Bullgarinë Veriperëndimore do të bjerë përsëri shi. Era do të dobësohet. Do të mbetet e ngrohtë për këtë periudhë, megjithëse temperaturat do të bien me 4°-5°.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BTA