Përpjekja e palëkundur e Republikës së Kosovës për formimin e institucioneve të qëndrueshme dhe për thellimin e bashkëpunimit rajonal është në interes si të vendeve të Evropës Juglindore, ashtu edhe të Bashkimit Evropian, dhe meriton vlerësim e mbështetje. Këtë e deklaroi presidenti Rumen Radev gjatë një takimi në Riad me presidenten e Kosovës, Vjosa Osmani. Të dy u takuan në kuadër të edicionit të nëntë të forumit “Iniciativa për Investime të Ardhshme”, i organizuar nga Mbretëria e Arabisë Saudite.
Të dy presidentët ndanë qëndrimin e përbashkët se përparimi i vendeve kandidate për anëtarësim në BE duhet të vlerësohet në bazë të arritjeve të tyre konkrete dhe reformave reale të ndërmarra. Presidenti Radev theksoi gjithashtu konsensusin politik dhe shoqëror në Kosovë në mbështetje të integrimit evropian, si dhe veprimet sistematike të institucioneve në këtë drejtim.
Gjatë takimit, kreu i shtetit bullgar shprehu mirënjohjen e tij ndaj presidentes Osmani për veprimet e ndërmarra në mbështetje të komunitetit bullgar në Kosovë dhe për përfshirjen e tij institucionale.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: Presidenca
Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur..
Çmimi mesatar i banesave të blera në Sofje në tremujorin e tretë të vitit 2025 arriti në 2,310 euro/m², që është një rritje vjetore prej 25.5%, sipas të dhënave nga Bulgarian Properties. Ndërtimet e reja mbeten më të preferuarat, por mungesa e..
Botimi i katërmbëdhjetë i DiVino.Taste – forumi më i rëndësishëm i përkushtuar verës bullgare dhe mjeshtërve të saj – do të mbahet nga 28 deri më 30 nëntor në Qendrën Inter Expo në Sofje. Në të do të prezantohen mbi 80 prodhues nga të gjitha rajonet e..