Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ekspozitë për “Iluministet e patrembura” – gratë bullgare që u thanë “jo” rregullave

Foto: momichetata.com

Më 1 nëntor – Ditën e Iluministëve Kombëtarë, sheshi “Gina Kunçeva” në Sofje gjallërohet në një mënyrë të pazakontë. Që nga ora 12:00, Bashkia e Rajonit “Oborishte” dhe Fondacioni “Iluministet” hapin muzeun e parë interaktiv në ambient të hapur në vend, me titull “Këto janë Iluministet e Bullgarisë”. Në zemër të qytetit, mes kalimtarëve të ngutshëm, 14 stola “tregojnë” historitë e grave të jashtëzakonshme që kanë lënë gjurmë të thellë në jetën kulturore dhe shoqërore të vendit.

Çdo stol mban emrin e një prej zgjuesve bullgare dhe një kod QR që të çon drejt një platforme online me biografitë e tyre në bullgarisht dhe anglisht. Banorët e Sofjes dhe vizitorët e kryeqytetit do të mësojnë se cila ishte gruaja e parë bullgare që e bëri vendin të njohur në botë, arkitektja e parë bullgare, bashkëkombësja e parë që luftoi për të drejtën e votës, fizikantja e parë e energjisë bërthamore dhe shumë pioniere të tjera që guxuan të thyejnë rregullat e kohës së tyre. Ndër to janë Ekaterina Karavellova, Julia Malinova, Mara Bellçeva, Ana Karima, Jana Jazova, Kostanca Ljapçeva dhe Gina Kunçeva – nëna e Apostullit të Lirisë, emrin e së cilës e mban edhe sheshi.

Qëllimi i ekspozitës është të çojë vëmendjen drejt kontributit të grave në zgjimin kombëtar – shpesh të harruar në tregimet historike.

Sot në ditën e hapjes, vullnetarët nga “Free Sofia Tour” do t’i udhëheqin të pranishmit në një shëtitje midis “stolave që flasin”, e shoqëruar me fotografi dhe dokumente të ofruara nga Agjencia Shtetërore e Arkivave. Në këtë mënyrë, hapësira urbane shndërrohet në një skenë kujtese dhe frymëzimi – në nder të grave që ndezën shpirtin e Bullgarisë.

Lexoni më tepër: 
Përpiloi: Veneta Nikollova

Përgatiti në shqip dhe publikoi: Kostandina Bello

Foto: momichetata.com



Последвайте ни и в Google News Showcase, за да научите най-важното от деня!

Më shumë nga rubrika

“Made in EU” i Stefan Komandarev fitoi çmimin në Festivalin e Filmit Arras në Francë

Filmi “Made in EU” fitoi Çmimin e Kritikëve në Festivalin e Filmit Arras në Francë, njoftoi ekipi i filmit të regjisorit Stefan Komandarev. Juria përbëhej nga kritikë filmi dhe gazetarë nga France 2, France Inter, Allociné, Konbini, Vanity Fair dhe..

botuar më 25-11-17 11.41.PD

Vivia Niki dhe projekti i saj i ri unik artistik

Artistja dhe arkitektja bullgare, Vivia Niki, prezantoi veprën e saj të re land art – një qiri gjigant tre-dimensional, i vizatuar në një livadh mes pyjeve të malit Pllana, i cili duket sikur lëviz dhe merr jetë vetëm nga një kënd i caktuar, kur shihet nga..

botuar më 25-11-16 7.15.PD

Nata e Teatrove në 11 qytete të Bullgarisë

Teatrot në Bullgari tashmë po i numërojnë orët deri në ngritjen e perdes së edicionit të 13-të të Natës së Teatrove. Mbrëmja emocionuese do t’i shndërrojë skenat në 11 qytete bullgare në një festë të vërtetë të artit. Këtë vit iniciativa vjen me..

botuar më 25-11-15 8.15.PD