Përfitimet e papunësisë në Sofje vazhdojnë të jenë mbi pagën minimale, sipas të dhënave të fundit nga Instituti Kombëtar i Sigurimeve Shoqërore. Ato janë më të lartat në vend dhe mesatarisht janë 1,145 leva (585.43 euro). Përfitimi më i ulët merret nga njerëzit pa mjete jetese në Kërxhali - 669 leva (342.05 euro).

Përfitimi mesatar i papunësisë për të gjithë vendin është 827 leva (422.84 euro). Tradicionalisht, shuma më e madhe e përfitimit të papunësisë në vend merret nga burrat në kryeqytet. Sipas të dhënave të fundit, ajo është mesatarisht 1,260 leva (644.23 euro), domethënë është më e lartë se paga minimale prej 1,213 leva (620.2 euro), e cila është planifikuar për vitin e ardhshëm. Kompensimi për gratë pa mjete jetese në Sofje, sipas të dhënave të fundit, është 1048 leva (535.83 euro). Burrat e papunë në Varna vijnë më pas – me pak mbi 1007 leva (514.87 euro) kompensim mesatar.

Në asnjë rajon tjetër në vend shuma nuk i kalon 1000 leva (500 euro). Të papunët e regjistruar me të drejtë kompensimi në të gjithë vendin janë pak mbi 58,000 persona. Ata janë 40% e të gjithë 148,000 personave pa mjete jetese të regjistruar në zyrat e punës.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: Ani Petrova, BNR