Asambleja Kombëtare miratoi sot, 7 nëntor, në lexim të parë dhe të dytë, ndryshimet legjislative që zgjerojnë kompetencat e menaxherit special të rafinerisë Lukoil. Tekstet u miratuan me votat e formacioneve të shumicës parlamentare GERB-SDS, "DPS-Fillim i Ri", BSP, ITN, katër deputetëve të pavarur dhe një nga APS, raportoi gazetarja Maria Fileva.

Me ndryshimet, menaxheri special merr të drejtën të shesë asetet e kompanisë, t'i hipotekojë ato dhe t'i lërë peng. Aktet e tij nuk i nënshtrohen kontrollit gjyqësor dhe administrativ. Është planifikuar që menaxheri special të emërohet nga Këshilli i Ministrave.

Menaxherët propozuan ndryshime editoriale para votimit. Ato nuk u botuan në faqen e internetit të Asamblesë Kombëtare, dhe deputetët i morën të shtypura në letër në sallë. Kjo e zemëroi opozitën. Lideri i “Po e Vazhdojmë Ndryshimin” (PP), Asen Vasilev, deklaroi: "Këto korrigjime janë një rishkrim de facto i të gjithë ligjit. Ky është "primitivizëm" absolut ligjor." Partia “Vëzrazhdane” do t'i sulmojë ndryshimet para Gjykatës Kushtetuese.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA