Më 11 nëntor, Kisha Ortodokse Bullgare përkujton Shën Minain, martir të madh dhe mrekullibërës, i cili vuajti për Krishtin në Egjipt në shekullin IV. I lindur në Egjipt, Shën Minai shquhej për guximin dhe besimin e palëkundur. Ai ishte ushtar në ushtrinë romake gjatë perandorit Dioklecian, por kur pa persekutimin e të krishterëve, la shërbimin ushtarak dhe u tërhoq në një jetë të shenjtë si eremit, duke jetuar në post dhe lutje.

Në qytetin e Kotuani (afër Aleksandrisë), Shën Minai zbuloi guximshëm besimin e tij në Krisht dhe u përball me martirizimin për këtë. Ai u ekzekutua me prerjen e kokës për shkak të besimit të tij dhe më pas trupi i tij u hodh në zjarr, por mbeti i paprekur nga flaka, duke dëshmuar fuqinë e mrekullive të Zotit. Pas kësaj, besimtarët e varrosën trupin e tij në një vend që më vonë u bë qendër e shumta mrekullie dhe adhurimi.

Shën Minai njihet si mbrojtës i udhëtarëve, i të pafajshmëve dhe i atyre që përballen me padrejtësi. Në Bullgari, ai është shumë i nderuar, veçanërisht në manastirin “Shën Minai” pranë Sofjes, ku ruhet ikona e tij e mrekullueshme. Shumë besimtarë dëshmojnë për shërim nga sëmundje të rënda. Shën Mina njihet  edhe për ndihmën që jep fëmijëve dhe për mbrojtjen nga forcat e këqija

Shën Mina është shembull i besnikërisë ndaj Krishtit, guximit përballë provave dhe gatishmërisë për të sakrifikuar lavdinë tokësore për shkak të lavdisë së përjetshme.

• Manastiri Obradosvski “Shën Martiri Minaii”

• Ikona e Shën Minaiit në Manastirin e Obradovskit ndihmon të gjithë ata që kërkojnë mbështetjen e tij si ndërmjetësi më i afërt me Zotin

Redaktoi dhe publikoi: Svetllana Dimitrova

Foto: pravoslavieto.com, Radio Vitin