“Justifikimet e qeverisë se po presin shpalljen e ndryshimeve që kanë miratuar në Ligjin për Rregullimin Administrativ të Aktiviteteve Ekonomike të Lidhura me Naftën dhe Produktet e Naftës me qëllim mbrojtjen e interesit publik duke emëruar një menaxher të posaçëm komercial janë të pambështetshme.” Këtë e deklaroi Presidenti Rumen Radev në një koment në lidhje mekompaninë е naftës Lukoil në faqen e tij zyrtare në Facebook.

Asambleja Kombëtare miratoi një legjislacionin emergjent për shkak të sanksioneve të SHBA-së kundër kompanisë ruse dhe pasojave për asetet e saj në vendin tonë, i cili parashikon emërimin e një menaxheri të posaçëm komercial për rafinerinë dhe objektet e tjera të Lukoil.

Nëse qëllimi i vërtetë është parandalimi i një ndërprerjeje në operacionet e rafinerisë, i një krize karburanti dhe një rritjeje të çmimeve, menaxheri i posaçëm duhej të ishte emëruar deri tani dhe menaxhimi operativ i këtyre aktiviteteve duhej të ishte marrë përsipër - menjëherë pasi u shpallën sanksionet më 23 tetor të këtij viti, beson kreu i shtetit.

“Në javët e fundit, frika dhe një ndjenjë urgjence janë mbjellë vazhdimisht, gjë që ka çuar në ndryshime ligjore të shpejta që shfuqizojnë masat mbrojtëse ekzistuese”, tha Rumen Radev, duke pyetur nëse ky nuk është qëllimi i vërtetë i ndryshimeve të miratuara dhe kush ka interes.

Lexoni më tepër në arkivin tonë:

• Ministri i Energjisë: Karburantet në vend janë të mjaftueshme për një periudhë të gjatë

• Menaxheri shtetëror në “Lukoil” mund të jetë më shumë se një individ

• Shteti mori përsipër ruajtjen e pronave dhe zyrave të “Lukoil” në vend

• Parlamenti miratoi ndryshimet për menaxherin special të Lukoil

Redaktoi: Diana Cankova

Përgatiti në shqip dhe publikoi: Vesella Mançeva

Foto: EPA/BGNES dhe BTA