Të premten, 14 nëntor, Britania e Bashkuar lëshoi ​​një licencë të veçantë që u lejon bizneseve të vazhdojnë të punojnë me dy degë bullgare të kompanisë ruse të naftës “Lukoil” të sanksionuar, raportuan Reuters dhe BNR Horizont. Licenca e përgjithshme u lejon kompanive dhe bankave të kryejnë transaksione deri më 14 shkurt 2026 me “Lukoil Bullgaria” dhe “Lukoil Neftohim”, si dhe me degët e tyre.

Ky veprim vjen pas sanksioneve të reja të Mbretërisë së Bashkuar të shpallura muajin e kaluar kundër prodhuesve kryesorë rusë të naftës, përfshirë “Lukoil” dhe “Rosneft”, për rolin e tyre në financimin e pushtimit të Ukrainës nga Moska. Licenca, e lëshuar nga Agjencia e Zbatimit të Sanksioneve Financiare e Mbretërisë së Bashkuar, lejon që pagesat dhe burimet ekonomike të rrjedhin nga dhe drejt kompanive bullgare sipas kontratave ekzistuese ose të reja.

Sot, 14 nëntor, në margjinat e parlamentit, kreu i GERB-it, Bojko Borisov, njoftoi se Bullgaria mund të marrë që ditën e sotme një përjashtim nga SHBA-ja për 6 muaj.

Mësoni më tepër mbi temën nga arkivi ynë:

• Asen Vasilev mbi përzgjedhjen e menaxherit special të “Lukoil” në Bullgari: "Një shaka e keqe"

• Rumen Specov është propozimi për menaxher special të "Lukoil Bullgaria"

• Parlamenti kapërceu veton e presidentit mbi ndryshimet që përkojnë “Lukoil”

• Komisioni për Energjetikë në Kuvendin Popullor hodhi poshtë veton presidenciale kundër menaxherit të posaçëm të “Lukoil”

• Presidenti vendosi veton ndaj ndryshimeve ligjore për menaxherin e veçantë në "Lukoil"

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA