Filmi “Made in EU” i regjisorit Stefan Komandarev fitoi Çmimin e Madh të Publikut në edicionin e 63-të të Festivalit të Filmit në Hihon të Spanjës. Filmi triumfoi në konkurrencë me 95 tituj, njofton BTA. “Brenda pak ditësh fituam çmimin e kritikës në Arras Film Festival në Francë dhe çmimin e publikut në Spanjë. Çdo krijues filmash ëndërron për një kombinim të tillë! Kjo tregon se kinemaja me vlera mund të jetë gjithashtu kinemaja e publikut – diçka në të cilën besoj thellësisht dhe që përpiqem ta arrij në filmat e mi!”, shkruan Stefan Komandarev.

Filmi rrëfen historinë e një rrobaqepëseje nga një qytet i vogël dhe djalit të saj. Iva akuzohet se është shkaktarja e shpërthimit të një pandemie në komunitet dhe kthehet në një viktimë të një sistemi që prej vitesh përfiton nga puna e saj.
Për punën e regjisorit Stefan Komandarevit mund të lexoni më shumë në arkivin e Radio Bullgarisë:
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: Ekipi i filmit "Made in EU"
“Vij në Bullgari për t’u mbushur me ndjenja të reja” – këtë na ndau Desisllava Cvetkova, e cila kaloi 14 vjet në kryeqytetet e Evropës së Bashkuar, duke punuar në administratën e Komisionit Evropian. Kohët e fundit Desisllava është përsëri në atdheun..
Aleksandra-Joana Aleksandrova – aktore, këngëtare dhe modele me pamje mbresëlënëse, talent muzikor dhe prani të fortë skenike, ishte në Sofje në fund të korrikut dhe fillim të gushtit për të interpretuar rolin e Kozetës në muzikalin e njohur “Të mjerët”..
Poeti dhe autori i haikut nga Plovdivi, Vlladislav Hristov, fitoi çmimin e madh në konkursin ndërkombëtar të haikut të organizuar nga Muzeu Memorial i Matsuo Basho në qytetin Iga të Japonisë. Për herë të parë, një bullgar ka marrë çmimin..