Adhuruesit e muzikës pop dhe pranisë ekspresive skenike me siguri mezi presin takimin para Krishtlindjeve me Veselin Marinov. Tashmë është një traditë e gjatë që këngëtari të japë një koncert në Pallatin Kombëtar të Kulturës (NDK) para festave të Krishtlindjeve, dhe këtë vit takimi i tij me publikun do të jetë në katër mbrëmje radhazi.
"Zgjohu pranë meje" – nën këtë titull do të mbahen koncertet në Sofje më 25, 26, 27 dhe 28 nëntor, dhe ato janë apoteoza e 70 të tjerëve në qytete të ndryshme në të gjithë vendin, ku Veselin Marinov ishte i ftuar gjatë vitit.

Koncertet e tij kanë një audiencë të të gjitha moshave. "Ka të gjitha llojet e njerëzve dhe përpiqem t'u kushtoj vëmendje jo vetëm sepse i duan këngët e mia, por sepse ata bashkohen falë këngëve të mia", ndau këngëtari në një nga intervistat e tij televizive këto ditë. Ai nuk e fsheh se, si shumica e njerëzve sentimentalë dhe romantikë, preferon baladat dhe është krenar që në 31.
Ju ofrojmë baladën "Një natë mbi qytet" me tekst nga Ivan Tenev, muzika dhe aranzhimi janë nga Krasimir Gjullmezov. Kënga është përfshirë në albumin e Veselin Marinovit "E zgjodha për ju me dashuri" nga viti 2004.
Përgatiti në shqip dhe publikoi: Vesella Mançeva
Foto: Facebook/veselin.marinov.official
Bukuroshja gjeorgjiane me një zë të mrekullueshëm mezzosoprano, Ekaterine Buachidze dhe baritoni karizmatik rumun Mihai Damian, janë mbajtësit e çmimit të parë në kategorinë “Opera” të konkursit të famshëm të këngëtarëve “Operalia”, i cili u zhvillua..
Kur dy emra yjesh bashkohen në një duet, suksesi është i sigurt. Kështu ndodhi me këngën nga Miro dhe ALMA “Më shumë”, dhe me siguri i njëjti fat do të ndiqet edhe nga bashkëpunimi i tyre i dytë – “Atje”. Kënga është krijuar gjatë kampit krijues Sofia..
Një trio vokale, pjesë e rritjes së muzikës pop bullgare në agim të mijëvjeçarit të ri - "Antibiotika" - është rikthyer me një këngë të re. Edhe pse të shpërndara në pjesë të ndryshme të botës, Ani, Sillvija dhe Savina na prezantojnë "Duket si..