Një grupazh i armatosur mirë ditët e pushimit errësoi situatën në Maqedoni. Në një përleshje me policinë në Kumanovë dhjetëra njerëz u plagosën dhe u vranë. Presidenti Georgi Ivanov ndërpreu vizitën në Rusi për shkak të këtyre zhvillimeve. Pas mbledhjes së Këshillit të Sigurisë Kombëtare ai shpalli, se policia parandaloi një sulm të koordinuar terrorist në rajone të ndryshme të vendit. Ai njoftoi gjithashtu se anëtarët e këtij grupazhi ishin ekstremistë dhe kriminelë nga rajoni dhe nga Lindja e Mesme, që janë me përgatitje të mirë ushtarake dhe me aftësi të luftojnë. Sipas kryeministrit Nikolla Gruevski bëhet fjalë për grupazhin më të rrezikshëm terrorist në Ballkan. Si një përgjigje e pritur politikanët e rajonit dhe të botës u reaguan këtyre zhvillimeve. Ata shprehën shqetësim në lidhje me situatën e krijuar në Maqedoni. Në një deklaratë speciale sekretari i përgjithshëm i NATO-së Jens Stolltenberg ngul këmbë, që të gjitha liderët politikë të punojnë bashkë për rivendosjen e qetësisë dhe për një hetim të ndodhive në interes të vendit dhe të mbarë rajonit.
Mirëpo, ngjarjet mezi përfunduan dhe mezi duhet të pranohen si një gjë e papritur. Një dështim i sigurisë së brendshme të vendit ndoshta duhet të pritej pas krizës aq të vazhdueshme parlamentare dhe politike, në të cilën opozita nuk merrte pjesë në punën legjislative, ndërsa partnerët e koalicionit drejtues kanë mosmarrëveshje të mëdha, duke përfshirë edhe në qëndrimin ndaj presidentit. Një krizë e thellë parlamentare dhe politike në sfondin e armiqësive të papajtueshme jo vetëm në bashkinë politike maqedonase, por edhe në të shqiptare, e cila gjithashtu është pjesë e pushtetit. Një krizë parlamentare dhe politike në sfondin e një problemi të rëndë me emrin e Maqedonisë, gjë që është pengesë për pranimin e saj në NATO-në dhe në BE-në. Kjo është një problem i rëndë edhe për njohjen e karakterit autoqefal të Kishës Ortodokse të Maqedonisë, gjë që e vë atë në një gjendje specifike në bashkinë ortodokse. Kriza e thellë e brendshme parlamentare dhe politike në sfondin e formimeve paraushtarake, që ekzistojnë që nga koha e konfliktit etnik nga viti 2001, të cilat prapë ngritin parullën për krijimin e Republikës Ilirida dhe ngulin këmbë që faktorët ndërkombëtarë ta detyrojnë pushtetarët maqedonas ta pranojnë, ndryshe do të asgjësojnë mbarë Ballkanin! Grupazhet paraushtarake, që ekzistojnë nga koha e konfliktit etnik nga viti 2001, në radhët e të cilëve sot ka ushtarë me përvojë grumbulluar në Lindjen e Mesme, ndoshta edhe nga vet “Shteti Islamik”.
Është e qartë, se atë që ndodh në Maqedoni ka nevojë jo vetëm për hetim, por edhe për një analizë të thelluar politike.
Përgatiti në shqip: Svetllana Dimitrova
