Nxënësit e klasës së dytë Georgija Ivanova dhe Nikollaj Radev nga qyteti danubian Ruse, nisën për në Puket të Tajlandës për të konkurruar në Olimpiadën Ndërkombëtare të Matematikës – TIMO. Në të do të marrin pjesë 1700 nxënës nga 21 shtete.
Georgija Ivanova dhe Nikollaj Radev janë ndër tetë matematikanët më të mirë në Bullgari në moshën e tyre. Këtë e treguan konkurset e brendshme. Dy fëmijët marrin pjesë në këtë garë në sajë të përkrahjes financiare të Fondacionit Bashkiak “Ruse – qytet i shpirtit të lirë”.
Georgija Ivanova është mbajtëse e medaljes së bronztë nga Turneu i 6-të Ndërkombëtar “Matematika pa kufi”, ndërsa Nikollaj Radev ka dy medalje të arta nga Olimpiadat Ndërkombëtare të Matematikës në Hon Kong dhe Puket.
