Faqja turistike e Sofjes

botuar më 10-01-15 9.27.PD

Foto: arkiv

Për ditë kryeqyteti i Bullgarisë – Sofje pret qindra miq nga të gjitha këndet e botës. Për shumicën prej tyre Sofja është pikënisja e itinerarit të tyre turistik në Bullgari. Vendet për pushim tek ne janë shumë – si pushimoret e shumta bregdetare gjatë verës, ashtu edhe pistat e skive në malet piktoreske gjatë dimrit. Mirëpo përshtypjet e para për vendin tonë miqtë e huaj grumbullojnë në kryeqytet.

Me qëllim të përshkruajmë faqen turistike të Sofjes iu drejtuam kryetarit të Asociacionit të Ciceronëve në Bullgari Nikollaj Mindov. Ai rikrijon vetëm njeri prej itinerareve të shumta turistike në Sofje – një qytet i lashtë me histori mijëvjeçare:

“Në Sofje ka shumë monumente me vlerë kulturore dhe historike, që përbëjnë interes për turistët e huaj. Zakonisht shëtitja e miqve fillon nga qendra e kryeqytetit, atje ku në të kaluarën e lashtë ishte forumi romak. Në këtë rajon ngrenë shtatë disa kisha të krishtere, ndërtuara gjatë epokave të ndryshme. Aty janë xhamia dhe sinagoga. Sinagoga e kryeqytetit është njëra nga sinagogat më të mëdha në mbarë Evropën nga tipi sefarad. Pranë këtyre godinave ka edhe një kishë katolike. Ato disa tempuj të feve të ndryshme ekzistojnë që prej shumë viteve pranë njëri tjetrit dhe formojnë një kompleks të tërë origjinal fetar. Kishte ide, që me një rreze laser të lidhen kupolat e këtyre ndërtesave, që të tregohet bashkëjetesa paqësore të disa feve në një qytet. Ndër ato hapësira të shenjta miqtë e kryeqytetit mund të shikojnë edhe godina të tjera interesante të ndërtuara në mesin e shekullit XX-të. Pikërisht aty ndodhet qendra administrative e shtetit me godinat e Këshillit të Ministrave dhe Presidencës. Turistëve u pëlqen të fotografohen me ushtarët e gardës para hyrjes parade. Ata shfaqin interes edhe ndaj uniformave të tyre origjinale. Pas ceremonisë së ndërrimit të rojës, miqtë vizitojnë nënkalimin midis dy godinave më të rëndësishme shtetërore. Në të mund të shihen rrënojat e murit, që rrethonte qytetin në vazhdim të 12 shekujve. Ky mur u zbulua rastësisht gjatë punimeve të ndërtimit të nënkalimit. Arkeologët janë të mendimit, se në këtë rajon mund të zbulohen rrënoja të tjera interesante nga epoka romake. Pranë godinës së Presidencës ngrihet ndërtesa e Muzeut Arkeologjik, e cila në të kaluarën ishte xhami. Sot në sallat e këtij muzeu ruhen sende dhe eksponate nga epoka të ndryshme të historisë së vendit tonë. Aty mund të shihen shumë thesare zbuluara në trojet bullgare.”

Duke vazhduar tregimin e vet ciceroni Nikollaj Mindov përshkruan shëtitjen në qendrën e kryeqytetit: “Pranë godinës së Muzeut Arkeologjik shtrihet sheshi më i madh i qytetit “Princ Aleksandër Batenberg”. Këtu është edhe Pallati i vjetër Mbretëror, në të cilin më se gjysmë shekulli ndodhet Galeria Kombëtare e Arteve Figurative dhe Muzeu Etnografik. Ato janë objekte interesante për turistët, sepse këtu mund të njihen me veprat e mjeshtërve piktorë bullgarë dhe të mësojnë më shumë për ritet karakteristike në trojet bullgare. Këtu vizituesit mund të shikojnë edhe kostume autentike të krahinave të ndryshme dhe veshje qytetare. Në këtë shesh, që shtrihet në zemrën e kryeqytetit, gjatë verës vihen shfaqje operistike në të hapur. Një vazhdim i natyrshëm i një shëtitjeje të tillë kulturore është vizita te Teatri Kombëtar “Ivan Vazov”. Godina e tij u ndërtua në fillim të shekullit XX nga arkitekt nga Vjena në stilin neoklasik. Godina jashtëzakonisht e bukur është njëra nga simbolet e qytetit. Gjatë verës para saj jepen koncerte dhe rregullohen ekspozita. Në afërsi të Teatrit Kombëtar njëra prej godinave që bie në sy është kisha ruse “Shën Nikollaj” që daton nga viti 1914. Ajo lë mbresa të thella te turistët me kubetë e bukura dhe me ndërtesën origjinale. Ajo ngrihet në këndin e dy rrugëve qendrore të kryeqytetit. Njëra prej tyre mban emrin “Rakovski”. Pikërisht ky është rruga teatrore e Sofjes. Këtu janë sallat e pothuajse të gjitha teatrove të mëdha. Padyshim një itinerar turistik në kryeqytet nuk mund të mos përfshijë kishën “Shën Aleksandër Nevski” – njëra prej më të mëdhenjve në mbarë Evropën. Këndimet e korit gjatë shërbimeve fetare preokupojnë turistët e huaj, sepse akustika e tempullit është e mrekullueshme. Aty afër është edhe godina e Parlamentit. Këtë shëtitje turistët e bëjnë më këmbë, që të njihen nga afër me të gjitha monumentet interesante në kryeqytet. Pas shëtitjes në qendrën e Sofjes, turistët mund të vizitojnë edhe Muzeun Kombëtar Historik, ku ruhen koleksione të pasura që mbajnë kujtesën historike të Bullgarisë. Ai ngrihet në rrezet e malit Vizosha afër lagjes së kryeqytetit Bojana. Ndërsa Kisha e Bojanës është një vend historik, të cilin secili duhet të vizitojë. Në të ruhen afreske mbi mur që datojnë nga shekulli XIII. Që në vitin1979 kjo kishë u përshi në listën e Trashëgimisë Botërore Kulturore dhe Natyrore të UNESKO-së. Pak janë vendet, që disponojnë një pasuri të tillë aq të madhe.”

Përgatiti në shqip: Svetllana Dimitrova

По публикацията работи: Lina Ivanova

Последвайте ни и в Google News Showcase, за да научите най-важното от деня!

Ndaje

Faqja turistike e Sofjes

Më shumë nga rubrika

“Die Welt” e përkufizon Sofjen si një alternativë ndaj Parisit dhe Londrës

Një nga shtëpitë malore më të njohura - "Maljovica" mbushi 90 vjeç!

Primorsko e mbyll sezonin me një rritje prej 30% të turistëve

Pistat në pushimoret malore Borovec, Bansko dhe Pamporovo janë të mbuluara me borë para sezonit të ri

Liqenet Çairski janë si një “superhero” për natyrën