Objektet me prioritet të infrastrukturës rrugore

botuar më 11-01-27 12.41.MD

Harta e projekteve me prioritet, që do të realizohen nga Ministria e zhvillimit regjional dhe urbanizimit.

Foto: Tanja Harizanova

Deri në fund të mandatit qeveria ka ndërmend të ndërtojë 288 kilometra rruga magjistrale dhe autostrada. “Për katër vjet do të ndërtojmë më shumë kilometra magjistrale, se sa vendi bëri për 35 vjetët e socializmit.” Këtë e deklaroi ministri i zhvillimit regjional dhe urbanizimit Rosen Plevneliev, duke prezantuar prioritetet e qeverisë për ndërtimin e infrastrukturës rrugore deri në vitin 2020. Parashikohet përfundimi i shtatë magjistraleve, shtatë autostradave të shpejta, dy urëve të reja mbi lumin Danub dhe një tuneli nën majën Shpika të malit Stara Pllanina.

Çfarë tregon statistika për rrjetin rrugor në Bullgari?

Më se 3 milion automjete lëvizen nëpër rrugët e Bullgarisë, gjysma prej të cilëve janë vetura. Brenda 9 viteve të fundit autoparku i Bullgarisë u rrit me 150 për qind ose me një milion. Numri i kamionëve të rënda u dyfishua. Në të njëjtën kohë 64 për qind nga ngarkesat në Bullgari transportohen nëpërmjet rrugëve automobilistike. Nga ana tjetër 66 për qind nga fluksi i udhëtarëve realizohet nëpërmjet transportit automobilistik. Dendësia e rrjetit rrugor kombëtar mund të krahasohet me dendësinë e mesme të vendeve anëtare të BE-së. Mirëpo për sa i përket autostradave dhe magjistraleve Bullgaria mbetet mbrapa.

Cilat janë autostradat, që do të ndërtohen me prioritet në Bullgari deri në vitin 2020?

Në radhë të parë është autostrada “Trakija”, e cila përbën një pjesë prej rrjetit transportues transevropian dhe element strategjik të rrugës automobilistike, që do të lidhë Adriatikun me Detin e Zi. Kjo autostradë do të sigurojë lidhjen e Evropës Qendrore dhe Lindore me Azinë dhe Lindjen e Mesme nëpërmjet portit bullgar Burgas. Këtu përfshihet edhe autostrada “Deti i Zi”, si një pjesë me perspektivë nga unaza bregdetare e magjistraleve, që do të ndërtohen. Autostrada “Marica” do të ndihmojë për zgjerimin e bashkëpunimit transkufitar me Turqinë dhe Greqinë. Autostrada “Struma” është një projekt me prioritet për Komisionin Evropian dhe lidhje strategjike midis porteve danubiane bullgare dhe porteve baltike me portin e Selanikut të Detit Egje. Rruga magjistrale “Kallotina” është pjesë e korridorit transportues numër 10 dhe siguron lidhje të drejtpërdrejtë me Lindjen e Mesme. Me rëndësi strategjike për zhvillimin e përafërsisht 44 për qind të territorit të vendit dhe 37 për qind të popullsisë është autostrada “Hemus”. Ajo është një projekt me prioritet, që realizohet në kuadrin e Strategjisë së Danubit. Ndërtimi i kësaj autostrade është prioritet strategjik i Bullgarisë për periudhën nga viti 2014 deri në vitin 2020.

Çfarë është vlera e këtyre projekteve strategjike?

Për përmirësimin radikal të infrastrukturës rrugore janë të domosdoshme 5.5 deri në 6 miliard euro. Prej këtyre mjeteve Bullgaria disponon 1 miliard euro nga programi operativ “Transport 2007 – 2013”. Bullgaria është me shpresë, se do të arrijë të mbrojë para Komisionit Evropian një shumë më të madhe për periudhën e viteve 2014 – 2020. Për mënyrën e financimit të autostradave “Hemus”, “Struma” dhe “Deti i Zi” ministri i zhvillimit regjional dhe urbanizimit Rosen Plevneliev thekson: “Që të mbrojmë ato tri projekte strategjike për periudhën e viteve 2014 – 2020, pala bullgare do të kërkojë kooperim me shtetet evropiane. Kemi dëshirë, që ekspertë të tyre të na japin ndihmë në realizimin e projekteve, të cilët janë tepër të vështira. Shumë nga rrugët kalojnë përmes zonave jashtëzakonisht të rëndësishme të rrjetit “Natyra”. Lidhur me këtë kërkojmë modele të reja të realizimit të këtyre projekteve. Prandaj kemi nevojë për ndihmën dhe solidaritetin evropian. Projektet kërkojnë një qëndrim krejt të ri dhe një punë të madhe, prandaj do të mbajmë kontakte aktive me dikasteret e ndryshme evropiane.”

Përgatiti në shqip: Svetllana Dimitrova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Objektet me prioritet të infrastrukturës rrugore

Më shumë nga rubrika

FMN parashikon një inflacion prej 2.8% në Bullgari për vitin 2024

Qeveria e përkohshme do të zbatojë ligjin dhe paga minimale bëhet 1077 leva (545 euro)

Pas përditësimit të të dhënave, PBB-ja e Bullgarisë për vitin 2023 po rritet