Qendra e re për luftimin e korrupsionit dhe krimit të organizuar në Bullgari

botuar më 11-02-21 1.32.MD

Kryeministri Bojko Borisov paraqiti ekipin udhëheqës të dikasterit BORKOR. Në krye të tij është Rumen Millanov (djathtas), ndërsa zëvendësdrejtorë janë Petko Sertov (majtas) dhe Eleonora Nikollova.

Foto: BGNES

Qendra për parandalimin dhe luftimin e korrupsionit dhe krimit të organizuar pranë Këshillit të Ministrave tashmë është fakt. Si emër i shkurtuar i dikasterit u shpall BORKOR. Formimi i tij është rezultat i zbatimit të njërës prej masave miratuara nga qeveria muajin korrik të vitit 2010 në përputhje me Mekanizmin e Komisionit Evropian për Bashkëpunim dhe Verifikim në fushën e drejtësisë dhe rendit të brendshëm. Qendra e re për luftimin e korrupsionit dhe krimit të organizuar u krijua me ide dhe me kontributin e ekspertëve të Ministrisë së Punëve të Brendshme të Gjermanisë. Ekipi i dikasterit BORKOR do të përbëhet nga 155 veta. 40 prej tyre do të jenë nga organika e Këshillit të Ministrave, ndërsa të tjerët do të punojnë me shërbim dhe do të jenë inspektorë dhe magjistratë nga dikasteret e tera në këtë fushë.

Në krye të qendrës është Rumen Millanovi, i cili ishte këshilltar i kryeministrit Bojko Borisov për çështjet e sigurisë. Sipas tij dikasteri BORKOR do të merret me analizimin dhe vlerësimin e rrezikut nga korrupsioni dhe krimi i organizuar. Qëllimi është të zbulohen vendet e dobëta, të cilët mund të rritin nivelin e rrezikut të korrupsionit ose krimit të organizuar. Për qendrën e re zoti Millanov shpjegoi: “Ideja është, që dikasteri të jetë një strukturë horizontale, në të cilën të gjithë do të punojnë bashkë mbi një projekt. Për të do të shfrytëzohet informacioni, dituritë dhe aftësitë e dikastereve të ndryshme për arritjen e qëllimit definitiv dhe rezultatet më të mira.”

Qendra e re u krijua ashtu, që puna e tij të jetë transparente. Ajo duhet të ketë besimin e mbarë shoqërisë. Për këtë arsye u zgjodhën dy zëvendësdrejtorë, të cilët kanë besimin e partive të ndryshme politike. Në radhë të parë kjo është Eleonora Nikollova – ish deputete e së djathtas dhe eksperte në komisionin parlamentar për luftimin e korrupsionit dhe Petko Sertovi – ish shef i Agjencisë Shtetërore të Sigurisë Kombëtare në kohën e qeverisë së koalicionit tripartiak në përbërje të Partisë Socialiste Bullgare, Lëvizjes për të Drejta dhe Liri dhe Lëvizjes Kombëtare për Stabilitet dhe Zhvillim.

Sipas kryeministrit Bojko Borisov dikasteri BORKOR nuk do të dublojë funksionet e dikastereve të tjera në luftimin e korrupsionit dhe krimit. Për qendrën e re zoti Borisov tha: “Qëllimi i kësaj hallke për luftimin e korrupsionit dhe krimit të organizuar është të ketë besimin e qytetarëve dhe të partive politike. I jam mirënjohës kancelares federale Angella Merkell dhe ministrit të brendshëm gjerman për ndihmën në luftimin e korrupsionit.”

Në qendrën e re do të pranohen dhe do të kontrollohen të gjitha sinjalet për praktika korruptuese, duke përfshirë edhe kundër strukturave të larta si Agjencia Shtetërore e Sigurisë Kombëtare dhe Ministria e Punëve të Brendshme. Nëse do të zbulohen fakte të padiskutueshme, atëherë prokurorët do të kenë fjalën e tyre. Qëllimi është të hetohen sinjalet dhe mezi pas kësaj të ndërmerren masat e domosdoshme.

Pasi u zgjodh në postin e zëvendësdrejtoreshës së dikasterit BORKOR Eleonora Nikollova tha: “Brenda gjashtë viteve të fundit si politikane, ashtu edhe si eksperte, punova kryesisht për luftimin e korrupsionit. Për mua është një sfidë dhe kënaqësi të punoj në këtë fushë, për të cilën po përgatitesha tërë jetën.”

Zëvendësdrejtori tjetër i dikasterit Petko Sertov tha: “Për mua është nder të punoj në këtë qendër. Gjatë tërë rrugës profesionale kam luftuar korrupsionin. Kemi shumë punë për t’u bërë, por shpresoj, se do të justifikojmë besimin.”

Qendra e re për luftimin e korrupsionit dhe krimit të organizuar do të financohet nga buxheti. Puna e saj do të udhëhiqet nga një Këshill Konsultativ me kryetar zëvendëskryeministrin dhe ministër të punëve të brendshme Cvetan Cvetanov. Në përbërjen e këtij këshilli do të ketë përfaqësues të pushtetit ekzekutiv, legjislativ dhe gjyqësor.

Përgatiti në shqip: Svetllana Dimitrova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Qendra e re për luftimin e korrupsionit dhe krimit të organizuar në Bullgari

Më shumë nga rubrika

Filloi Shkolla Verore e Gjuhës Bullgare në Tiranë

INSAIT dhe Instituti i Teknologjisë në Masaçusets do të punojnë së bashku në fushën e inteligjencës artificiale

Tetë bizonë të rinj u vendosën në Rodopet Lindore

Specialitete të reja universitare dhe perspektivë evropiane për të rinjtë bullgarë në Besarabi

Studentët Shqiptarë dhe Bullgarë Bashkohen në Shkollën Verore të Gjuhës Bullgare