Vija të portretit të të rinjve në Bullgari

botuar më 11-06-06 11.25.PD

Në fund të javës së kaluar u botuan të dhënat dhe përfundimet e një studimi sociologjik ndër të rinjtë në Bullgari. Në të morën pjesë 1000 veta në moshë nga 18 deri në 30 vjeç. Studimi përvijon drejtimet, në të cilat zhvillohet brezi i ri në Bullgari. Sistemi i vlerave të të rinjve ngre në kult paratë, kurse ëndrrat e tyre janë lidhur me idenë të pasurohen. Njëkohësisht ata janë shumë të varur materialisht nga prindërit e tyre. Të rinjtë janë apolitikë, por shumë kritikë ndaj shtetit. Interesohen për muzikë dhe filma, por vetëm 23% në këtë moment lexojnë një libër, kurse 41% nuk u kujtohet titulli i fundit që kanë lexuar.

21% të të rinjve nuk do të punonin, po të kishin mjaft para, por 67% do të punonin, madje po të kishin mjaft mjete financiare. Çfarë lloj pune preferojnë të rinjtë? 69% preferojnë një punë me rrogë të madhe sesa një punë interesante. 20% do të zgjidhnin një punë interesante me pagim më të ulët. Dihet se gjatë viteve të fundit procesi i emigrimit është shumë i fortë në Bullgari dhe ai prek më tepër të rinjtë. 27% të të anketuarve pohojnë se papunësia është një motiv të largohen nga Bullgaria, 15% do të emigronin për shkak të standardit më të mirë të jetesës në Evropë.

Çfarë është angazhimi social dhe politik i bullgarëve të rinj? 55% të të anketuarve thonë se nuk interesohen për politikën. Pak mbi 30% ndonjëherë dëgjojnë lajmet, vetëm 6% interesohen aktivisht për proceset politike tek ne. Njëkohësisht të rinjtë janë shumë kritikë ndaj shtetit. 78% mendojnë se shteti nuk kujdeset mjaft për ta. 70% janë të mendimit se në vendin tonë njerëzit nuk janë të barabartë para ligjit, kurse 60% thonë se iniciativa personale nuk stimulohet në Bullgari.

Qëndrimet e të rinjve për sjelljen e tyre janë lidhur me lirinë, por në përfytyrimet e tyre për lirinë ka shtrembërime. “Në Bullgari të rinjtë janë të lirë psikologjikisht, por mbeten të varur materialisht nga prindërit e tyre. Ata jetojnë në shtëpinë e prindërve deri vonë”, komenton sociologu Petër-Emil Mitev, udhëheqës i studimit për zhvillimin e të rinjve në Bullgari.

Për sa i përket gjendjes familjare, të rinjtë preferojnë bashkëjetesën, sesa të lidhin martesë. Ka dhe mendime krejt ekstreme. Një pjesëmarrës në anketë pohon se “martesa duket një nga ankthet më të mëdha tët ë rinjve”. Vajzat e lidhin martesën më tepër me dëshirën të mbajnë fustanin e nusërisë.

Për sa i përket artit, muzika është lloji më i preferuar. Një e treta e të anketuarve dëgjojnë muzikë, 20% janë adhuruesit e kinemasë, gjysma prej tyre shikojnë më tepër filma amerikanë. 23% aktualisht lexojnë një libër, por 41% nuk u kujtohet cili është libri i fundit që kanë lexuar.

19% të të anketuarve merren me sport rregullisht, por autorët e studimit theksojnë se për sa i përket sportit, ka mendime të polarizuara. Të rinjtë nuk merren me sport fare ose për ta sporti është si një mani. Sporti më i përhapur është futbolli – 15% të të anketuarve luajnë futboll rregullisht. 10% preferojnë fitnesin, 7% vrapojnë në park.

Përgatiti në shqip: Ekaterina Tarpomanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Vija të portretit të të rinjve në Bullgari

Më shumë nga rubrika

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?

Elegjia për Krahinat Perëndimore tingëllon si një requiem

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Elegjia për Krahinat Perëndimore tingëllon si një requiem

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?