Darina Sllavçeva ka lindur në vitin 1981 në qytetin e Stara Zagorës. Ajo është një prej këngëtareve të reja të talentuara të Trakisë. Dashurinë ndaj muzikës e ka trashëguar nga prindërit e nënës së saj, të cilët janë nga fshati General Inzovo të rrethit të Jambolit. Në moshën 16 vjeç ajo u bë mbajtëse e çmimit të parë të radio konkursit “Sllavejçe” në Stara Zagora. Këngëtarja popullore Kiçka Savova përgatiti vajzën e talentuar për provimet në shkollën kombëtare për arte folklorike në Kotel.
Shumë i rëndësishëm për karrierën e këngëtares së re ishte viti 1999. Darina qe favoriti në një sërë konkursesh. Ajo fitoi çmime të para në Çirpan – “Me këngët e Atanaska Todorovës”, në Shiroka Llëka fitoi konkursin “Me këngët e Radka Kushlevës”, në Stara Zagora zuri vendin e parë në konkursin “Me këngët e Petkana Zaharievës”, kurse në Strallxha fitoi konkursin “Me këngët e Vëllkana Stojanovës”. Arsimin e saj të lartë Darina Sllavçeva e mbaroi në Akademinë për arte muzikore-koreografike dhe për art artistik në Plovdiv, ku aktualisht është pedagoge. Merr pjesë dhe në projekte ndërkombëtare në Danimarkë, Holandë, Gjermani.
Para pak kohe Darina Sllavçeva festoi jubileun e saj të 30-të me një kompakt disk të ri. “Albumi e ka emrin “Art trakas”, sepse këngët në të janë të arta. Ato janë trashëguar brez pas brezit – na tregon këngëtarja. – Mbizotërojnë këngët nga Trakia. Një prej këngëve është e Vëllkana Stojanovës.”
Po të klikoni mbi ikonën AUDIO mund të dëgjoni këngë nga albumi i ri i Darina Sllavçevës.
Përgatiti në shqip: Vesella Mançeva
Koncerti i supergrupit “Fondacijata” (Fondacioni), ditëlindja e këngëtarit Kirill Mariçkov dhe Dita e Rokut Bullgar – këto tri ngjarje bashkohen në një më 30 tetor në Sofje. Ky koncert i madh do të bashkojë në një skenë grupet legjendare të rokut..
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej nesh”, është një duet me Robi – një këngëtar shumë i njohur nga brezi më i ri i artistëve...
Bukuroshja gjeorgjiane me një zë të mrekullueshëm mezzosoprano, Ekaterine Buachidze dhe baritoni karizmatik rumun Mihai Damian, janë mbajtësit e çmimit të parë në kategorinë “Opera” të konkursit të famshëm të këngëtarëve “Operalia”, i cili u zhvillua..
Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian..