Kohët e fundit të rinjtë në Bullgari shfaqin një interes të madh ndaj automobilave retro. Ata me shumë dashuri restaurojnë markat pak të harruara “Volga”, “Warszawa”, “Skoda” dhe modele të vjetra “Fiat”, “Lancia” etj. Çfarë i tërheq në automobilat e vjetër?
“Sipas meje këta janë të rinj të arsimuar në fushën e teknikës – shpjegon Vanja Gjuderova, kryetare e Klubit automobilistik bullgar “Retro”. – Ata e vlerësojnë dizajnin, si edhe mundësitë teknike të makinës. E vlerësojnë dhe faktin se për herë të parë është marrë një vendim teknik, i cili përdoret edhe sot. Mendoj se ky është shkaku kryesor për interesin e të rinjve ndaj automobilave retro.”
Sipas Vanja Gjuderovës ata përfshihen në klubin “Retro”, sepse u pëlqen bashkësia, bisedimet për automobilat, mundësia të mësojnë diçka të re, pjesëmarrja në rally. “Mund të them se çdo pronar e mban retro-automobilin e tij në një gjendje të përsosur teknike – vazhdon Vanja, e cila gjithashtu ka një makinë të tillë. Të gjithë ne i respektojmë rregullat e lëvizjes, nuk i drejtojmë makinat me shpejtësi të madhe dhe përkrahim tolerancën në rrugë.”
Çfarë është koleksioni i automobilave i klubit “Retro”?
“Kemi çfarëdolloj makinash – nga automobilat socialistë deri në automobila të bërë me porosi të posaçme – vazhdon Vanja Gjuderova. – Kemi një koleksionist nga Varna, i cili ka një “Ford Model T”, i cili është i njohur si “Tin Lizzie”. Ai është restauruar shumë mirë dhe të gjithë ne krenohemi me të. Kemi një “Mercedes 300 Adenauer”, një “Bentley” nga viti 1955, modele të ndryshme makinash sportive “Alfa” dhe “Lancia”. Një anëtar i klubit është pronar i një “Renault Florida” – një makinë unike. Kemi “Volkswagen Karmann – Ghia”, gjithashtu një “Packard”. Një anëtar i klubit tonë posedon një “Opel GT”. Këto janë makina të prodhuara gjatë viteve 50-60 të shekullit të kaluar. Fatkeqësisht kemi pak automobila të prodhuara para Luftës së Dytë Botërore. Tendenca që automobilat e vjetër të restaurohen këtu dhe të eksportohen jashtë shtetit tashmë u ndryshua. Gjithnjë e më shpesh importohen makina nga Evropa dhe SHBA, restaurohen dhe bëhen “perlat” e koleksionit tonë.”
Prej 15 vitesh Stela Nedkova jeton në Bruksel. Pasi përfundoi arsimimin e saj në Bullgari, ajo vendosi të vërë veten në provë në një realitet tjetër, për të kontrolluar nëse mund t’ia dalë vetë me sfidat e jetës, pa ndihmën e prindërve. Stela ishte..
Këtë vit Krishtlindja “mbërriti” në Sofje që në nëntor, me aromë të verës së ngrohtë, kanellës dhe magjisë festive. Radio Bullgaria ju rekomandon të vizitoni disa prej këndeve të Krishtlindjes në kryeqytet: Për më të paduruarit për të pritur..
Muzeu i parë i arit investues mirëpret në Plovdiv vizitorë që duan të mësojnë më shumë rreth historisë së parave dhe lidhjes së tyre me arin – nga lindja e arit, origjina e tij kozmike dhe rruga e tij deri në Tokë, deri tek mënyra se si ky metal i çmuar..
Një dragua që nxjerr zjarr do t’i presë vizitorët e Muzeut të parë të hekurit të hekurosjes në Ballkan, i cili hapet më 21 nëntor në Plovdiv. Nga goja e..
Në prag të Ditës së Familjes së Krishterë (21 nëntor), dhjetëra çifte nga Dimitrovgrad rinovuan betimet e tyre martesore pasi kaluan më shumë se..
Më 21 dhe 22 nëntor 2025, në sallën "Xhon Atanasov" të Parkut Teknologjik të Sofjes do të mbahet edicioni i 11-të i "Tregut të Profesioneve"...
Reshje
Vranësira
Vranësira të dendura me shi
Vranësira të dendura