Galin Nikiforov mori dekoratën kombëtare letrare “Elias Kaneti”

botuar më 11-11-02 11.18.PD

Shkrimtari Galin Nikiforov u dallua për romanin “Shtëpia e klounëve”

Foto: Архив

Një rrëfim në kufirin e imagjinatës të ditës së përditshme. Një histori për dashurinë e vërtetë, e cila përmban në vetvete jetën dhe vdekjen, vullnetin e lirë dhe zgjedhjen e peshës së shpresës. Në këtë mënyrë shkurtimisht mund të përshkruajmë romanin “Shtëpia e klounëve”, për të cilët shkrimtari Galin Nikiforov u dekorua me çmimin kombëtar për letërsi “Elias Kaneti”.

Gjatë vitit 2005 Bashkia e qytetit Ruse dhe Shoqëria ndërkombëtare “Elias Kaneti” e miratojnë këtë dekoratë për nder të 100 vjetorit nga lindja e shkrimtarit-nobelist, i cili është me prejardhje nga qyteti bullgar buzë Danubit – Ruse. Me dekoratën dallohen autorët bullgarë – beletrist dhe dramaturgë dhe sipas traditës çmimi shpallet në prag të Ditës së iluministëve popullorë (1 nëntori). Duke marrë statujën e posaçme, të punuar nga piktorja e Ruses Maja Kubratova, Galin Nikiforovi hyri në bashkësinë e krijuesve të njohur si Konstantin Iliev – mbajtës i dekoratës ndërkombëtare të Herderit, Alek Popov dhe Ivajlla Aleksandrova.
Këta janë personalitete me një angazhim politik dhe qytetar ndaj së tanishmes, sqaron profesoresha Penka Angjellova, kryetare e Shoqërisë ndërkombëtare “Elias Kaneti” në qytetin Ruse. Te këta autorë mund të ndihet fryma e kulturës internacionale, diçka e cila i përgjigjet kuptimit në krijimtarinë e Elias Kanetit. Në udhëzimet për dekoratën është përshkruar qartazi se, prijës është fryma e mirëkuptimit midis popujve.”

Ceremonia solemne e dorëzimit të çmimit kombëtar për letërsi “Elias Kaneti” në qytetin Ruse.

Dy komisione kanë punuar që të mund të bëjnë zgjedhjen e vet mes afro 50 libra, të botuar për herë të parë në Bullgari gjatë periudhës 30 maj 2009 – 30 maj 2011. Tetë ishin nominimet finale për edicionin e katërt të konkursit “Elias Kaneti”. Pjesë nga këto krijime u paraqitën në ceremoninë solemne në qytetin Ruse.
“Në listën e librave të caktuar për vitin 2011 janë “Rruga e fluturave” e Karena Angjellovës, “Cinkograf” të Vlladisllav Todorovit, “Apokalipsisi vjen në orën 6 në mbrëmje” të Gjeorgji Gospodinovit, “Rrugëdalja” nga Vlladimir Zarevi, “Projekti Dostoevski” të Radosllav Parushevit, “Motoçiklisti, Romulli i Madh” të Ichak Fincit dhe “Jeshile dhe e artë” të Sillvija Çolevës. Dua të nënvizojë se, që të jesh i përcaktuar për dekoratën “Elias Kaneti” po kështu është me rëndësi, është prestigjioze. Ja përse shumë nga autorët tanë marrin pjesë në programe të ndryshme ndërkombëtare si të caktuar për këtë dekoratë”, sqaron profesoresha Penka Angjellova.

Si ripohim të fjalëve të saj ajo shton se, 3 nga librat e zgjedhur përkthehen në gjuhën gjermane, kurse pas 2 javëve do të ketë një lexim letrar në Vjenë. Në të, do të paraqitet një nga autorët e parë, të përcaktuar për dekoratën “Elias Kaneti” – shkrimtari Gjeorgji Grozdev me romanin e tij “Plaçka”.

Përgatiti në shqip: Nataniela Vasileva

По публикацията работи: Elena Karkallanova

Последвайте ни и в Google News Showcase, за да научите най-важното от деня!

Ndaje

Galin Nikiforov mori dekoratën kombëtare letrare “Elias Kaneti”

Më shumë nga rubrika

Tregu si fenomen kulturor në të shkuarën, të tashmen dhe të ardhmen

Takim në Ambasadën e Shqipërisë me studentët e Universitetit të Sofjes

Arti transformon vendet e preferuara në qendër të Plovdivit

“Abetarja e Peshkut” 200-vjeçare kujton për veten me një botim të ri