Të gjithë e presin stinën e verës me padurim. Shumë njerëz i bëjnë gati valixhet dhe shkojnë për pushime verore për t’u kënaqur me detin, diellin dhe rërën e plazhit. Një pjesë e madhe e bullgarëve bëjnë kursime gjatë vitit që të shkojnë pa problem në det. Edhe sivjet megjithë krizën në vendpushimet verore të Bullgarisë është plot e përplot me bullgarë.
Sipas të dhënave të Qendrës kombëtare të studimit të opinionit publik 48 për qind e bullgarëve do të bëjnë pushime në det. Një fakt interesant është se gjatë 9 viteve të fundit bashkatdhetarët të cilët parashikojnë të çlodhen në det apo në mal u katërfishuan. Si duket mungesa e parave dhe perspektivës, po ashtu papunësia në vend ka nxitur bullgarët që të shpenzojnë sikur nuk do të bëjnë më pushime. Ja pse ata nuk kursejnë para të bardhë për ditë të zezë. Faktet e dëshmojnë këtë. Gjatë 1993-ës mezi 11 për qind e bullgarëve kanë bërë pushime në det, derisa sot gati gjysma prej tyre mbush valixhet. Duke u rritur mosha, zvogëlohen mundësitë për pushimet verore. Kuptohet se njerëzit që nuk do të relaksojnë këtë verë janë pensionistët. Në këtë kategori bien edhe banorët e paarsimuar të vendbanimeve të vogla dhe njerëzit në gjendje të vështirë sociale. Në ditët më të nxehta të vitit këta do të rrinë në shtëpi para televizorit dhe do të çlodhen, duke pirë birë në ndonjë lokal të lagjes. Një pjesë e atyre bullgarë që kanë shtëpi në fshat do të punojnë kopshtin dhe do të bëjnë gati prodhimet për dimrin.
Pjesa më e madhe e bullgarëve të moshës deri në 29 vjeç sigurisht do të bëjë pushime verore dhe nuk do t’u mungojë jeta gjatë natës buzë detit. Pasi doli në dritë hulumtimi i Qendrës kombëtare të studimit të opinionit publik, 77 për qind e të rinjve do të bëjnë pushime gjatë ditëve të nxehta. Shifrat tregojnë se kjo është 10 për qind më shumë në raport me një vit më parë. Mbase arsyeja ka të bëjë me faktin se rinia është shumë pas përjetimeve të momentit dhe nuk kërkon shumë nga paketat turistike. Përveç kësaj, shumica e të rinjve mbështet në të ardhurat e prindërve të tyre.
“Vendi në Francë ku së bashku vizatojmë të ardhmen bullgare të fëmijëve tanë” – kështu e përshkroi Janeta Dimitrova vendin e saj të punës – Shkollën Bullgare të së Dielës “Ivan Vazov” në Paris – në një postim në një rrjet social një vit më parë. Është..
152 vjet pasi Bullgaria humbi birin e saj të dashur, luftëtar për një shtet të lirë, të pavarur dhe tolerant - Vasill Levski, personaliteti i tij vazhdon të emocionojë dhe të frymëzojë zemrat e bullgarëve të të gjitha brezave. Historianët vazhdojnë të..
Më 16 shkurt 2025 bëhen 127 vjet nga botimi i buletinit të parë të Agjencisë Telegrafike Bullgare (BTA), të nënshkruar nga drejtori i parë i saj Oskar Iskander. Agjencia u krijua në vitin 1898 me një dekret të Princit Ferdinand I, i modeluar sipas Agjencisë..
Pikërisht 3 vjet më parë, më 24 shkurt, filloi pushtimi rus i Ukrainës - një ngjarje që zgjoi Evropën 77 vjet pas përfundimit të Luftës së Dytë Botërore..
Inteligjenca artificiale tani është krijuar tërësisht nga kompjuterët klasikë me algoritme, ndërsa inteligjenca artificiale e bazuar në kompjuterë..
Jordan Minkov mbërriti në Bruksel me familjen e tij në vitin 2007, kur vendi ynë u bë anëtar i plotë i Bashkimit Evropian, pasi gruaja e tij mori një..
Vranësira
Pjesërisht me re
Vranësira të dendura