Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria dhe Britania e Madhe po zgjerojnë bashkëpunimin në sferën e sigurisë dhe energjetikës

Kryeministrat Bojko Borisov dhe David Kameron diskutuan masat e përforcimit të sigurisë, si edhe projekte kyçe energjetike.
Foto: BTA
Kryeministrat e Bullgarisë dhe të Britanisë së Madhe, zotërinjtë Bojko Borisov dhe David Kameron, shqyrtuan në Londër marrëdhëniet midis të dyja vendeve dhe shprehën dëshirë për zhvillim dhe përforcim të bashkëpunimit në sferën e sigurisë dhe energjetikës. Vizita e punës e kryeministrit Borisov ishte pika kulmore e një sërë përpjekjeve gjatë muajve të fundit për zgjerimin e bashkëpunimit.

Në fund të muajit prill ministrat e jashtëm të të dyja vendeve Nikollaj Mlladenov dhe Ujiljam Hejg shqyrtuan në Londër reformat, të cilat janë të domosdoshme për garantimin e suksesit të valutës evropiane, dhe arritën në konkluzionin se, mënyra e vetme kjo të bëhet është inkurajimi i rritjes ekonomike. Përputhja e konkluzioneve të të dyja vendeve mbi këtë çështje të rëndësishme nga rendi i ditës të Bashkimit Evropian doli e tillë, saqë ministrat Mlladenov dhe Hejg dolën me një artikull të përbashkët mbi çështjen në gazetën “Daily Telegraph”. Gjatë katër muajve të fundit ministri Mlladenov koordinoi me Uiljam Hejg dhe me ministrin britanik mbi çështjet evropiane Dejvid Lidingtën veprime të përbashkëta për lëvizjen e programit për rritje ekonomike jo vetëm në kuadrin e Bashkimit Evropian, por dhe në plan bilateral.

Çështje të rendit të ditës të Bashkimit Evropian u shqyrtuan dhe gjatë vizitës së kryeministrit Borisov në Londër. U konstatua se në shumë nga sferat vendet kanë një kuptim të plotë dhe mbrojnë pozita të përbashkëta, më në veçanti sa i përket disiplinës financiare dhe sigurisë. Bojko Borisov e falënderoi David Kameron për përkrahjen e treguar nga Britania e Madhe në lidhje me pranimin e Ligjit bullgar për marrjen e pronësisë, të fituar në mënyre kriminele, që mori përkrahjen edhe të Komisionit Evropian.
Një theks i bisedimeve ishte bashkëpunimi i shkëlqyeshëm midis zyrave të zbulimit të të dyja vendeve në luftën me krimin e organizuar, korrupsionin dhe kontrabandën. U shqyrtua dhe mundësia që policë bullgarë dhe nëpunës të specializuar të Agjencisë Shtetërore “Siguria kombëtare” dhe të Shërbimit Kombëtar të Zbulimit të trajnohen te kolegët e tyre në shërbimet e specializuara të sigurisë në Britaninë e Madhe. Gatishmëri për ndihmë në këtë sferë kryeministri britanik shprehu në një mesazh drejtuar kolegut të vet bullgar në lidhje me aktin terrorist në aeroportin e Burgasit, gjatë të cilit më 18 korrik u vranë pesë turistë izraelit dhe një bullgar.

Me vizitën e Bojko Borisovit në Britaninë e Madhe në rendin e ditës të bashkëpunimit bilateral u fut dhe një komponent i ri. U shqyrtuan projekte kyçe me një interes të përbashkët, të cilët të sigurojnë diversifikimin e furnizimeve të gazit për Evropën. Ditën e mëparshme David Kameron e pati diskutuar këtë çështje dhe me presidentin e Azerbajxhanit, z. Ilham Aliev, përsëri në Londër. Pala bullgare u bind se, koncorciumi “British Petroleum” do të punojë mbi projektin “Nabuko Perëndim” në qoftë se ai është ekonomikisht aktiv. Për Bullgarinë ky projekt është me rëndësi të madhe për sigurinë kombëtare.

Bisedat në Londër përcaktuan zgjatjen e dialogut mbi këtë çështje. Kryeministrat Borisov dhe Kameron ranë dakord se në mbledhjen e ardhshme të Këshillit Evropian bashkë me presidentin Barozu të flasin përsëri mbi temën “Nabuko”.

Përgatiti në shqip: Nataniela Vasileva
По публикацията работи: Stoimen Pavllov


Последвайте ни и в Google News Showcase, за да научите най-важното от деня!

Më shumë nga rubrika

Godina e MPJ-së në Sofje

MPJ: Bullgaria mirëpret planin e Trump për Gazën

Bullgaria mirëpret planin konkret të Presidentit të SHBA-së Donald Trump për t'i dhënë fund operacioneve ushtarake në Gaza dhe vëren reagimin e shpejtë dhe pozitiv të Izraelit, tha Ministria e Punëve të Jashtme në rrjetin social X, cituar nga BTA...

botuar më 25-09-30 6.22.MD
Asen Vasilev

Asen Vasilev beson se është më e lehtë të jesh kryetar i vetëm i PP-së

Kryetari i "Po e Vazhdojmë Ndryshimin" (PP), Asen Vasilev, tha në një intervistë për televizionin bTV se është më e lehtë të jesh kryetar i vetëm i partisë sesa të qeverisësh si bashkëkryetar me dikë tjetër pas largimit të Kirill Petkov ...

botuar më 25-09-30 4.06.MD

Ngjarjet me adresë ballkanike

Kosova renditet e para për ndjenjën e sigurisë në Evropë Një raport ndërkombëtar i Gallup në shtator e renditi Kosovën midis vendeve më të sigurta në botë. Vendi ballkanik renditet i treti globalisht dhe i pari në Evropë për sa..

botuar më 25-09-26 7.05.MD