Projektet ndërkombëtare të grupit “Deep Zone Project”

botuar më 13-03-21 10.59.PD

Grupi “Deep Zone Project” dhe këngëtarja Joana prezantuan Bullgarinë në konkursin e Eurovisionit në Beograd.

Foto: BGNES

AUDIO

Update Required To play the media you will need to either update your browser to a recent version or update your Flash plugin.

Viti 2012 ishte shumë i suksesshëm për grupin “Deep Zone Project”. Interpretimi i tij “I love my DJ” u dekorua në kategorinë e këngës më të mirë DJ në ndarjen e Çmimeve Vjetore të Muzikës së Klubit.

“E vlerësojmë lart këtë se për ne votuan mbi 20 mijë veta. Jemi mirënjohës për ndihmën e fansave tanë. Nuk do t’i zhgënjejmë kurrë. Le ta ruajmë magjinë e cila ekziston në mes nesh.” Këtë koment “Deep Zone Project” e ka hedhur në faqen e tij zyrtare në internet. Grupi është themeluar më 1998 në qytetin bregdetar Varna. Albumi i tij i parë “Eja, lind” u prit shumë mirë nga dëgjuesit dhe kënga me të njëjtin titull, ku merr pjesë dhe prezantuesi shakaxhi Kamen Vodeniçarov, shpejt zuri vendet e para të klasifikimeve muzikore.

“Deep Zone Project” vazhdimisht merr pjesë në festivale, mbrëmje në klube dhe koncerte në SHBA, Britani të Madhe, Portugali, Maltë etj. Gjatë 2007-ës grupi përfaqësoi Bullgarinë në Konkursin e Këngës “Eurovizion”. Interpretimi “DJ, take me away” u bë një hit i vërtetë.

Nadja – këngëtarja e re e “Deep Zone Project”

Viti 2012 i solli “Deep Zone Project”-it disa ndryshime profesionale. Grupi firmosi kontratë me një kompani të madhe muzikore në Rumani. Po ashtu tani grupi gëzon një voklaiste të re – Nadja. “Ajo është nga qyteti i Varnës ku ka mbaruar shkollën muzikore – sqaron DJ Dian Solo. – Disa vite me radhë ka interpretuar në korin “Dobri Hristov”. Nadja u popullarizua pasi mori pjesë në konkursin e 2008-ës “Këndo bashkë me mua”. Në skenën e konkursit ajo u prezantua me ish-vokalistin e grupit “Te”, Ljubo Kirov. Më 2011 kur vokalistja e atëhershme e “Deep Zone Project”-it, Joana, u largua nga grupi, ne organizuam një konkurs. Nadja u përgjigj kërkesave tona – këndon shumë mirë live, vizionin e ka të bukur dhe shqipton drejt fjalët në anglisht.”

Në mars u promovua kënga “Askush tjetër”, në të cilën “Deep Zone Project” interpreton së bashku me reperin Krisko. Kjo këngë dhe 9 kompozime të tjera do të përfshihen në albumin e ri të grupit. Albumi ende nuk ka titull. Ai do të nxirret në dy variante – në CD dhe me version digjital për t’u shkarkuar legalisht nga interneti. “Besojmë se verën do ta përfundojmë albumin dhe do të kënaqim publikun me muzikë të bukur bullgare – thotë DJ Dian Solo. – 2013-ën kemi shumë koncerte. Shpeshherë na ftojnë në klube të ndryshme dhe diskoteka. Më 14 shkurt, Ditën e Shën Valentinit, dhamë një koncert në sallën “Hristo Botev” në kryeqytet. Gjatë marsit bëjmë turne nëpër qytetet e mëdha të Bullgarisë. Në fillim të prillit do të udhëtojmë për në Rumani dhe pas kësaj, do të shkojmë në Brazil.”

Përgatiti në shqip: Anna Kapitanova

По публикацията работи: Monika Aleksandrova

Последвайте ни и в Google News Showcase, за да научите най-важното от деня!

Ndaje

Projektet ndërkombëtare të grupit “Deep Zone Project”

Më shumë nga rubrika

Basi i operës Sllavin Peev feston 20 vjetorin në skenë me një koncert në Sofje

Kori i Fëmijëve pranë Radios do të konkurrojë për "Trëndafilin e Argjendtë" në finalen e Konkursit Koral të EBU

Plovdivi bëhet kryeqyteti i kitarës

Plovdivi bëhet kryeqyteti i kitarës

Kori i Fëmijëve pranë Radios do të konkurrojë për "Trëndafilin e Argjendtë" në finalen e Konkursit Koral të EBU

Basi i operës Sllavin Peev feston 20 vjetorin në skenë me një koncert në Sofje