Udhërrëfyesi në Limesin Romak të Danubit

botuar më 13-04-02 10.46.PD

Muri i kështjellës së dikurshme romake Durostorum

Foto: bg.wikipedia.org

Një udhërrëfyes nëpër rrjedhën e poshtme të Danubit dhe më saktë nëpër kufirin tonë të dikurshëm me Perandorinë Romake do të tërheqë turistët ndaj trashëgimisë sonë të pasur nga e kaluara. Projekti është i Muzeut të Ruses dhe është miratuar në një konkurs të Qendrës Shkencore Amerikane, Fondacionit “Amerika për Bullgarinë” dhe The Field Museum në Çikago. Ai do të realizohet gjatë këtij viti dhe vitit tjetër.

Veprimtaritë kryesore janë lidhur me shënimin e objekteve, kryesisht të kështjellave nga Limesi i Danubit. Parashikohet gjithashtu një modul arsimor dhe krijimi i një loje për kërkimin e artefakteve. Projekti është lidhur drejtpërsëdrejti me detyrat e Kongresit Ndërkombëtar të Arkeologjisë Romake, i cili u zhvillua vitin e kaluar në Bullgari. Qëllimi është rritja e nivelit të njohurive për lumin Danub dhe Limesin Romak dhe shndërrimi i objekteve arkeologjike në destinime turistike.

“Pikërisht kështjellat nëpër lumin Danub e përshkruajë më mirë këtë limes romak – shpjegon doc. Nikollaj Nenov, drejtor i Muzeut Historik Regjional në Ruse. – Në Ruse kemi një kështjellë të tillë “Seksaginta Prista”. Afër qytetit të sotëm Svishtov ndodhet polisi romak Nove. Në vendin e kështjellës së dikurshme romake dhe qytetit të madh Durostorum ndodhet qyteti i sotëm Silistra. Afër Tutrakanit gjithashtu ka mbeturina. Ky rajon është shumë i rëndësishëm sot, sepse është studiuar mirë, kurse vetë kështjellat ndodhen në një mjedis urban, gjë që u siguron vizituesve akses te kjo pjesë e trashëgimisë sonë kombëtare. Për shembull kështjella “Jatrus” te grykëderdhja e lumit Jantra studiohet tashmë 40 vjet nga ekipe bullgare dhe gjermane dhe shpresojmë të ketë interes nga ana e turistëve. Ka shumë vende të panjohura nëpër rrjedhën e Danubit dhe është e rëndësishme se si ato të jenë të pranishme këtej e tutje në hartën turistike të Bullgarisë. Muzeu i Ruses bashkë me Bashkinë e Ruses dhe partnerët nga Austria dhe Gjermania do t’u japin mundësi të gjithë udhëtarëve në afërsi të lumit të përdorin një software, i cili mund të merret falas nga smartfoni i tyre. Në saje të këtij softueri ata do të mund t’i shohim kështjellat, po ta drejtojnë celularin ndaj mbeturinave arkeologjike.

Ky udhërrëfyes do t’i përshkruajë kështjellat e vjetra dhe krahinat historike. Ndërkohë, do të paraqitim dhe kuzhinën tradicionale të kësaj krahine. Do të provojmë dhe disa prej recetave nga koha romake. Kemi dhe një projekt të lidhur me arsimimin muzeor. Jemi duke përgatitur një libër, me të cilin duam t’i bindim adoleshentët se muzeu është një vend interesant, i cili duhet vizituar të paktën një herë në jetë.”

Përgatiti në shqip: Vesella Mançeva

По публикацията работи: Svetllomira Ivanova

Последвайте ни и в Google News Showcase, за да научите най-важното от деня!

Ndaje

Udhërrëfyesi në Limesin Romak të Danubit

Më shumë nga rubrika

Fshati i Rodopeve Momçillovci tërheq turistë nga Kina përgjatë Rrugës së Qumështit

Estetikë urbane dhe jetesë e lidhur me detin - jeta në qytetin antik Anhiallo, Pomorie e sotme

Veliko Tërnovo - një qytet i lashtë dhe i ri