Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Monserrat Kabaje dhe Orkestra Simfonike e Radios Kombëtare Bullgare me koncert në Sofje

Publiku në Sofje pret qe të dëgjojë edhe interpretimet e së bijës së këngëtares së dëgjuar – Monserrat Marti.
Foto: EPA/BGNES
Pas afro një muaji këngëtarja e shquar spanjolle e operës Monserrat Kabaje do të japë një koncert të madh në Sofje. Për të shoqëruar në skenën ajo zgjodhi Orkestrën Simfonike të Radios Kombëtare Bullgare.

Në koncert do të interpretohen vepra të Hendelit, Gunos, Maskanit dhe të kompozitorëve të tjerë nga thesari muzikor botëror. Vend i ngjarjes përsëri do të jetë skena e madhe e Pallatit Kombëtar të Kulturës, ku në vitin 2000 Monserrat Kabaje dha një koncert të mahnitshëm përpara një publiku mbi pesë mijë vetash. Surpriza në koncertin e mëparshëm ishin duetet me këngëtaren e re bullgare të operës Ina Kënçeva. Tani publiku në Sofje pret qe të dëgjojë edhe interpretimet e së bijës së këngëtares së dëgjuar – Monserrat Marti.

Maria de Montserrat Viviana Concepcion Caballe i Folc, siç është emri i saj i plotë, ka lindur në Barcelona dhe ka mbaruar Konservatorin Muzikor në qytetin e lindjes. Debuton në vitin 1957, kurse debutimi i saj në skenën e madhe është në vitin 1965. Sot në repertorin e Monserrat Kabajes janë përfshirë të gjitha rolet më të njohura të operës. E quajnë “E vetmja trashëgimtarja e vërtetë e Maria Kalasit”. Për fansat e muzikës në mbarë botën ajo njihet me duetin e famshëm me solistin e Grupit “Kuin” Fredi Merkyri – këngën “Barcelona”, që u bë hiti i Lojërave Olimpike të verës në vitin 1992, që u zhvilluan në qytetin e saj të lindjes. E bija e saj Monserrat Marti ecën në rrugën e nënës të njohur, por nuk rritet nën hijen e saj. Shfaqja e parë e këngëtares së re është në skenën e teatrit “La Skala” të Milanos. Publiku i teatrove të mëdha në botë e njeh dhe si Oktavia në operën “Kleopatra” të Masnes dhe si soliste e disa prej orkestrave më të mira në botë.

Në koncertin më 27 shtator në Sofje Orkestra Simfonike e Radios Kombëtare Bullgare do të ekzekutojnë vepra të Hendelit, Maskanit, Bizesë e të tjerë. Ndër veprat të cilat Monserrat Kabaje dhe Monserrat Marti do të interpretojnë në skenën e Sofjes është dhe Habanera nga vepra muzikore-skenike “Don Hil de Alkala” e autorit Manuel Pennelës.

Përgatiti në shqip: Gyulka Ilieva
По публикацията работи: Allbena Bezovska


Последвайте ни и в Google News Showcase, за да научите най-важното от деня!

Më shumë nga rubrika

Bojko Cvetanov

Tenori i famshëm Bojko Cvetanov feston 70 vjet nën tingujt e mandolinave

Tenori bullgar me famë botërore Bojko Cvetanov do të festojë 70-vjetorin e lindjes me një koncert më 18 tetor në Klubin Qendror Ushtarak në Sofje. Partneri i tij në këtë ditë të veçantë për interpretuesit dhe publikun do të jetë orkestra e mandolinave..

botuar më 25-10-18 7.55.PD

"E di"

Ljubo Kirov do ta përfundojë turneun e tij kombëtar "25 vjet në skenë" jo me një, por me dy koncerte në Sallën 1 të Pallatit Kombëtar të Kulturës në Sofje - më 16 dhe 17 tetor. Në to, hitet e preferuara të këngëtarit do të interpretohen të shoqëruara..

botuar më 25-10-16 6.15.PD

Orkestra e Muzikës Popullore e Radios Kombëtare Bullgare hap sezonin e saj të 73-të krijues

Orkestra e Muzikës Popullore e Radios Kombëtare Bullgare do të hapë sezonin e saj të 73-të krijues me një koncert më 16 tetor në orën 19:00 në Studion e Parë të Radios. Ansambli, i dirigjuar nga maestro Dimitër Hristov , do të prezantojë vepra..

botuar më 25-10-15 5.55.PD