Flautisti Simeon Shterev mbush 70 vjeç

botuar më 13-10-24 11.37.PD

Foto: arkiv

“Ashtu është”, interpretojnë Simeon Shterev dhe Antoni Donçev

Update Required To play the media you will need to either update your browser to a recent version or update your Flash plugin.

“Vera e vonuar”, interpretojnë Simeon Shterev dhe Big Bendi i Radios Kombëtare Bullgare

Update Required To play the media you will need to either update your browser to a recent version or update your Flash plugin.

“Darben the redd foxx”, interpreton kuartet “Fokus”

Update Required To play the media you will need to either update your browser to a recent version or update your Flash plugin.

“Humoreska”, interpretojnë Simeon Shterev dhe Ljubomir Dinollov

Update Required To play the media you will need to either update your browser to a recent version or update your Flash plugin.

Simeon Shterev është një nga flautistët më të njohur bullgarë. Sivjet ai feston ditëlindjen e tij 70-të. Me këtë rast sonte muzikanti do të japë një koncert bashkë me kolegët e tij nga Big Bendi i Radios Kombëtare Bullgare. Në program e koncertit në Studion e Parë të Radios Kombëtare Bullgare janë të përfshira pjesë autori të Simeon Shterevit, vepra baroke e simfonike, po ashtu kompozime xhazi të autorëve të preferuar amerikanë.

Profesori Simeon Shterev, i njohur me nofkën Banana, është flautist, pedagog dhe kompozitor. Krijimtaria e tij njihet jo vetëm në skenën bullgare, por dhe jashtë vendit. I pëlqen të shkruajë muzikë xhazi, filmi dhe teatri. Ka realizuar incizime për Radion Kombëtare Bullgare dhe për Televizionin Kombëtar Bullgar, po ashtu ka nxjerrë disa albume solo. Simeon Shterev ka mbaruar Akademinë Kombëtare të Muzikës në Sofje në klasën për flaut te prof. Jordan Kindallov. Në fillim të karrierës së tij gjatë 1967, Simeon Shterev ka interpretuar me kuartetin “Fokus”. Bashkë me të më 1968 ai ka fituar çmimin e kritikës në Festivalin prestigjioz botëror të xhazit në Montreux të Zvicrës. Më 1968 Simeon Shterev u caktua flautisti më i mirë i Evropës.

Simeon Shterev i ngjitet skenës 60 vjet radhazi. “Që në moshën 10-vjeçare fillova të paraqitesha në koncerte – kujton Simeon Shterev. – Fillimisht i bija fizarmonikës dhe pianos. Në fillim të viteve të 50-ta të shekullit të kaluar të gjithë muzikantët interpretonim live. Jepeshim shumë koncerte. 25 vjet interpretoja në Orkestrën “Simfonieta” të Radios Kombëtare Bullgare. Më pas u përkushtova në karrierën solo. Kam bërë shumë incizime në zhanre të ndryshme – muzikë dhome, opere, simfonike dhe muzikë xhaz.”

Kritikët evropianë e përcaktojnë Simeon Shterevin si një nga flautistët më të mirë të xhazit. Emri i tij haset në vendet e para të klasifikimeve ndërkombëtare të xhazit. Në karrierën e tij muzikanti ka merituar një sërë çmimesh nga festivale të ndryshme. “Takimin e parë me një muzikant të huaj të njohur e pata në “Berlin jazz stage”, ku u njoha me Maynard Ferguson, i cili i bie borisë – kujton Simeon Shterev. – Nuk do ta harrojë Chick Corea, një muzikant tjetër me famë botërore. Me të kam bërë incizime në Frankfurt.”

Më 1974 Simeon Shterev u emërua pedagog flauti në Departamentin e Muzikës Estrade pranë Akademisë së Muzikës “Panço Vlladigerov” në Sofje. “Pothuajse të gjithë muzikantët aktualë në Bullgari i kam pasur studentë. Kemi interpretuar së bashku me disa prej tyre. Janë të talentuar dhe secili është nisur në rrugën e vet. Janë formuar si interpretues. Disa janë të nivelit shumë të lartë evropian.”

Përgatiti në shqip: Anna Kapitanova

По публикацията работи: Sibilla Lillova

Последвайте ни и в Google News Showcase, за да научите най-важното от деня!

Ndaje

Flautisti Simeon Shterev mbush 70 vjeç

Më shumë nga rubrika

Mezzosopranoja nga Gjeorgjia dhe baritoni nga Rumania janë fituesit e “Operalia 2025” në Sofje

Miro dhe ALMA sërish në një projekt të fuqishëm dhe emocional – “Atje”

Trioja е njohur vokale "Antibiotika" me një këngë të re pas një ndërprerjeje 14-vjeçare

Këngëtari Momçill Kosev me një vështrim pozitiv drejt së ardhmes

Në vitin 2026 Bullgaria do të marrë sërish pjesë në konkursin muzikor “Evrovizion”

Dyshja e njohur "Molec" prezanton albumin e saj të ri