Një lule kristalti për refugjatët dhe miqtë e tyre... çmimi “Njeriu i vitit”

botuar më 13-12-12 2.20.MD

Kryetari i Komitetit të Helsinkit Krasimir Kënev gjatë ceremonisë solemne për dorëzimin e çmimit “Njeriu i vitit”.

Foto: Foto:BGNES

Për vit të gjashtë të radhës organizata për mbrojtje të të drejtave të njeriut Komiteti Bullgar i Helsinkit dorëzoi çmimet “Njeriu i vitit”. Sipas traditës kjo ndodhet më 10 dhjetor – Dita Ndërkombëtare e të Drejtave të Njeriut. Çmimet kanë qëllim të inkurajojnë njerëz të denjë dhe organizata me kontribut në luftën për të drejtat e njeriut. Për herë të parë çmimi i madh “Njeriu i vitit” është “dy në një”. Dy statuja me një lule kristali – simbol i dritës dhe i vërtetës shkuan te dy grupe që janë lidhur ngushtë njëri me tjetrin. Këta janë refugjatët dhe organizata jo formale “Miq të refugjatëve”.

“Unë i nominoi refugjatët që kërkojnë strehim në Bullgari, për forcën e tyre, për besimin dhe guximin që të lënë Atdheun dhe shtëpitë e veta dhe me rrezik nga vdekja nga trajtimi poshtërues dhe jo human, por të udhëhequr nga ideja e madhe të jetojnë në mënyrë të denjë – thotë Krasimir Kënev, kryetar i Komitetit Bullgar të Helsinkit. – U bëj atyre nominim për papajtueshmërinë e shfaqur me padrejtësinë, për refuzimin e tyre të shtypen për vendosmërinë e tyre të mos jenë viktima, por njerëz. U bëj nominim për guximin e tyre. Në papajtueshmërinë e refugjatëve dhe në ikjen e tyre është përqendruar tërë lufta për të drejtat e njeriut. Sa i përket grupit jo formal vullnetarësh “Miq të refugjatëve” atyre u bëjmë nominim për shkak të punës së tyre me kohë dhe me zemër në mbështetje të këtyre njerëzve. Ata udhëtojnë me automjetet e veta në kohën e tyre të lirë dhe mbledhin bashkëmendimtarë. Ndryshojnë paragjykime dhe stereotipa. Këta njerëz në rrethana pa precedentë për Bullgarinë e sotme dhe në kushtet e urrejtjes që po rritet ndaj çdo “tjetri” energikisht mbronin jetën dhe dinjitetin njerëzor. Ata që bënë ata ishte nevojë jetike dhe mund të thuhet se ata u kujdesën për njerëz real kur shteti ishte i papërgatitur për këtë dhe shoqëria sillej me armiqësi.”

Përveç çmimit të madh “Njeriu i vitit” juria dha dhe dy çmime të dyta si edhe tre çmime speciale. Gjyqtari Kalin Kalpakçiev dhe gazetari Ivo Bozhkov morën dy çmime të dyta. Kalin Kalpakçievi për shkak të moralit të tij të lartë dhe dëshirës për ndryshim të statukuos, për këtë që punon pa u lodhur për një sistem gjyqësor më transparent dhe për pjesëmarrje më të gjerë të qytetarëve në debatet që lidhen me veprimtarinë e Këshillit të lartë të drejtësisë. Gazetari Ivo Bozhkov mori çmimin për pozitën e tij jashtëzakonisht aktive në pasqyrimin e protestave në Bullgari. Ndër të dalluarit gjatë këtij viti nga Komiteti Bullgar i Helsinkit ishin edhe studentët që protestojnë që morën çmimin “Frymëzim i vitit”. Në ceremoninë ishin shpallur dhe mbajtësit e çmimit të publikut – ata që mblodhën më shumë vota gjatë votimit on-linë. Njëri prej tyre ishte përsëri gazetari Ivo Bozhkov. Mbajtësi tjetër i çmimit të publikut është Alberta Alkalaj për shkak të popullarizimit të heroizmit shoqëror të bullgarëve për shpëtimin e afro 50 000 hebrenjve nga kampet e vdekjes gjatë kohës së Luftës së Dytë Botërore. Me rastin e 70 vjetorit të shpëtimit nga Holokausti ajo organizon dhe zhvillon me përpjekje të veta konkurs letrar midis nxënësve me temë “Kush shpëton një jetë njeriu shpëton tërë gjithësinë”. Ajo është krijuese edhe e dokumentarit “Të mbajmë mend” në të cilin nxjerr nga harresa emrat e bullgarëve të denjë që janë sakrifikuar duke mbrojtur hebrenjtë nga reprezaljet.

Përgatiti në shqip: Zoja Kostadinova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Një lule kristalti për refugjatët dhe miqtë e tyre... çmimi “Njeriu i vitit”

Më shumë nga rubrika

Me një “Festë e dinozaurëve për fëmijë ” mbledhin fonde për Qendrën e Shpëtimit të Breshkave

Një spektakël diellor mund të shihet në Observatorin Astronomik të qytetit Kërxhali

Radosllava Nedjallkova nga Milano është "Bullgarja e Vitit 2023", auditori nderoi Nevenka Kostadinova nga Serbia

Një spektakël diellor mund të shihet në Observatorin Astronomik të qytetit Kërxhali

Me një “Festë e dinozaurëve për fëmijë ” mbledhin fonde për Qendrën e Shpëtimit të Breshkave