Nina Nikolina në kompaninë e perkusionistit Kalin Veljov dhe të këngëtares popullore Ekaterina Angjellova, prezantoi një etno projekt të ri “Pendarë”. Prej tij ju propozojmë radio-cinglin e parë me emrin “Priftëreshë”. Një folklor autentik, ritme ekzotike dhe një tingëllim elektronik – ky miks muzikor formohet nga puna e tyre e përbashkët, bashkë me producentin e projektit DJ Borçe Bojaxhiev. Ai bën disa aranzhime, të gërshetuar me ritme afro-kubane, braziliane, latine dhe ritme nga orienti, të ekzekutuara nga Kalin Veljovi. Nina Nikolina është e njohur me dashurinë e saj të madhe ndaj folklorit bullgar. Kariera e saj krijuese është e ndërtuar mbi të, ku shpesh bën një sintezë me muzikën pop. “Priftëreshë” është një melodi popullore nga krahina e Trënit – karakteristik me dialektin e vet specifik dhe me tekstet humoristike të këngëve. Këngëtarja bashkë me Ekaterina Angjellovën ka zgjedhur një repertor për projektin nga regjionet e ndryshme të Bullgarisë.
Elica Naumova është e njohur nga stina e parë e garës televizive “Zëri i Bullgarisë”. Tani ofron një cingël të ri. “High” (nga angl. lart) lidh muzikën me bukurinë e gruas, seksapilin, lirinë. Ky është momenti në të cilin nënvetëdija tënde noton dhe vizaton lirisht piktura, nganjëherë në mënyrë fare të palogjikshme dhe në ekstazë. Momenti në të cilin nuk ka ndarje dhe karakteristikë të gjinisë, por vetëm lëvizje, ritëm, prekje, pëshpërimë... gjëra për të cilat mendon dhe ato të detyrojnë të ndihesh mirë, të ndihesh “high”, shpjegon me buzëqeshje Elica. Teksti është shkruar nga vetë interpretuesja. Kënga tanimë është nëpër klubet, në sajë të DJ Diass.Përgatiti në shqip: Nataniela Vasileva
Folklori bullgar preokupon prej kohësh muzikantë nga e gjithë bota me veçantinë dhe mundësitë e tij të pashtershme. Një shembull tjetër i një prirjeje të tillë është bashkëpunimi mes muzikantëve Daniell Verstapen dhe Nina Nikolina. Në dy koncertet e..
Tambura nuk është aspak vegla muzikore më popullore e zgjedhur nga instrumentistët për të performuar në skenat botërore. Të luash tambura në mënyrë moderne, me repertor në zhanre dhe stile të ndryshme, nuk është punë për amatorët. Për ta zbutur këtë..
"Bora e kujtimit" është një nga këngët emblematike të muzikantit të ndjerë Georgi Minçevit . Dy miq të tij - Mihaill Bellçev dhe Kirill Kalev - e thurën në këngën e tyre "Në vend të përgjigjes" si nderim për të paharruarin Georgi Minçev, të cilit..
Diell, re, shi, bubullime
Mot i kthjellët
Pjesërisht me re
Vranësira të ndryshueshme mundësi për reshje shiu