Ashtu si muzika është gjuha e shpirtit, kështu dhe vallëzimi është gjuha e trupit. Për herë të radhës qyteti i Olovdivit është mikpritës i një festivali të larmishëm, i cili në ditët midis 4 dhe 8 gusht do të mbledhë në një skenë të përbashkët vallëzime folklorike të kulturave të ndryshme.
Cilat janë aksentët në programin e festivalit?
“Sivjet është edicioni i XX-të i Festivalit Ndërkombëtar folklorik – tregon Kirill Vellçev, ekspert në degën “Kulturë” të Bashkisë së Plovdivit. – Presim me padurim pjesëmarrësit, që të mund të shikojmë koncertet, të cilat na i kanë përgatitur. Miqtë e huaj janë nga Gjeorgjia, Greqia, Kina, Koreja, Letonia dhe Serbia. Nga ana tonë do të marrë pjesë ansambli “Vojvodinci” nga fshati Vojvodinovo rrethi i Plovdivit dhe ansambli profesional folklorik “Stranxha” nga qyteti i Burgasit. Sipas traditës ansambli folklorik “Trakia” do të jetë i pranishëm në hapjen dhe në mbylljen e festivalit. Në këtë botim muzika e grupeve do të jetë e gjallë, interpretuar nga këngëtarë dhe instrumentalistë. Koncertet nga ora 18 do të zhvillohen në skenën e vogël të sheshit “Stefan Stambollov”, kurse shfaqjet e mëdha në mbrëmje në skenën e Teatrit Antik.”
“Kemi parashikuar koncert solemn me interpretime të të gjitha grupeve – tregon Kirill Vellçev. – Janë të ftuar dhe laureatët nga edicioni i mëparshëm i Festivalit Folklorik Ballkanik “Hopni mi tropni mi” – klubi i valleve i Universitetit Teknik i përpunimit të drurit në Sofje dhe grupi i vallëzimit “Sedençica” nga Plovdivi. Me pjesëmarrjen e tyre hapet edicioni më i ri i Festivalit Folklorik Ballkanik. Kurse pika kulmore e edicionit do të jenë interpretimet e grupeve nga Koreja dhe Kina. Në paraqitjen e vet ata do të gërshetojnë elemente nga artet lindore luftarake. Mendoj se, kjo do të jetë mjaft interesante për publikun.”
Përgatiti në shqip: Nataniela Vasileva
Fotografia është ofruar nga organizatorët
Lyrra është pseudonimi artistik i këngëtares së re Ljubomira Pavllova. Para se të fillonte të performonte si artiste e pavarur, ajo fitoi famë nga pjesëmarrja e saj në formacionet e njohura folklorike, si "Misteri i zërave bullgarë", "Çinari",..
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan krijon një tingull dramatik me muzikë dhe aranzhim bazuar në poezinë e poetit të madh Damjan..
“Pa ty nuk ka dashuri” është kënga e fundit e Maksim Jallnëzov. Përveç se është interpretues, ai është edhe autor i muzikës dhe tekstit. “Pa ty nuk ka dashuri ” i kushtohet muzikës, si pjesa më e bukur dhe më kuptimplote e jetës së artistit të ri...
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti Rushi..