Shumica e Parlamentit të 43-të bën përpjekje reale për zhvillimin e reformave kyçe dhe tashmë ka rezultate konkrete. Këtë e pohuan përfaqësuesit e Grupit Parlamentar të partisë GERB gjatë takimeve të fundit me presidentin Rosen Plevneliev në kuadrin e konsultimeve politike me forcat politike parlamentare. Sipas grupit më të madh parlamentar aksenti i këtij viti do të jenë reformat e sektorit “Siguria”. Presidenti dhe drejtoria e grupit parlamentar të partisë GERB kanë njëzëshmëri për këtë se ndryshimet në legjislacionin zgjedhor nuk duhet të bëhen në momentin e fundit dhe ato duhet të përgatiten me vëmendje të madhe. Ishte shpallur përkrahja për propozimin e presidentit për referendum të lidhur me ndryshimin e rregullave zgjedhore, i cili mund të zhvillohet bashkë me zgjedhjet lokale të vjeshtës. Nga ana e tyre, përfaqësuesit e Partisë Socialiste Bullgare – Bullgaria e Majtë, shprehën pozitën e tyre se marrëveshjet e lidhur nga qeveria me 4 bankat për borxh prej 8 mln. euro krijon rrezik për stabilitetin financiar. Përveç kësaj sipas tyre efekti i sanksioneve ekonomike kundër Rusisë sjell rreziqe për shtetin tonë dhe duhet të kërkohen mundësi për kompensimin e ndërmarrjeve bullgare që pësojnë humbje. Në takimin e tyre me presidentin nga Lëvizja për të Drejtat dhe Liritë kanë deklaruar përkrahjen e tyre kategorike për të ardhmen euroatlantike të Bullgarisë duke thënë se anëtarësia formale e shtetit tonë në BE dhe në NATO duhet të bëhet reale dhe të ndihet nga të gjithë shtetasit bullgarë. Përfaqësuesit e Lëvizjes nuk mendojnë se qeverisja aktuale mund t’i zhvillojë reformat e domosdoshme, sepse vatë formula e qeverisjes gjeneron paqëndrueshmëri. Nga reformat në sektorët “Siguria” dhe “Drejtësia” varret suksesi i reformave në të gjitha sektorët e tjerë në shtetin bullgar. Kjo ishte pozita e përbashkët e kreut të shtetit dhe kryesisë së Bllokut të Reformatorëve. Në lidhje me zgjedhjet e ardhshme vendore ishte diskutuar mundësinë për përforcimin e kontrollit të regjistrimit të zgjedhësve si mënyrë për pakësimin e blerjes së votave. Përfaqësuesit e Frontit Patriotik insistuan para presidentit për votim të detyrueshëm akoma në zgjedhjet e vjeshtës dhe e ndërmorën angazhimin për parashtrimin e ndryshimeve përkatëse legjislative në Kuvendin Popullor. Gjatë takimit të kreut të shtetit me Qendrën Demokratike Bullgare nga Grupi Parlamentar i propozuan presidentit Plevneliev që të organizojë një tryezë të rrumbullakët për referendumet dhe për legjislacionin e lidhur me to. Nga Grupi Parlamentar i partisë ABV propozuan zgjerimin e të drejtave të presidentit ndërmjet ndryshimit të Kushtetutës. Nga partia mendojnë se presidenti ka nevojë për më shumë të drejta për organizimin e referendumeve. Vetëm Grupi Parlamentar i partisë “Ataka” nuk mori pjesë në konsultimet politike.
Të premten pas përfundimit të Muajit të konsultimeve politike presidenti Rosen Plevneliev diskutoi me kryeministrin Bojko Borisov prioritetet e qeverisë dhe gatishmërinë e saj për zbatimin e reformave. Kreu i shtetit nënvizoi se zbatimi i Strategjisë së aktualizuar për reformimin e sistemit gjyqësor është me rëndësi jashtëzakonisht të madhe për përparim në të gjithë sektorët e tjerë. Kryeministri nënvizoi se tashmë ka hapa konkrete në sektorin “Energjetika”.
Bojko Borisovi tha se gjatë disa ditëve të ardhshme do të pranohen 4 projektligji me anë të të cilëve do të zbatohet konsensusi i arritur gjatë Këshillit konsultativ për siguri kombëtare pranë presidentit për përfundimin e reformave në sektor “Siguria”. Vazhdojnë përpjekjet e qeverisë për reformimin e shëndetësisë dhe të arsimit. Deri në fundin e muajit maj do të ofrohet një ndryshim i modelit të sistemit të pensionimit. Ishte shpallur pozita e përbashkët për përshpejtim maksimal të projekteve me financim evropian në kuadrin e periudhës së përfunduar programore 2007-2013 dhe për fillim të fortë të periudhës së re programore deri në vitin 2020.
Përgatiti në shqip: Jordanka Ivanova
Një studim nga INSAIT (Instituti për Shkencën Kompjuterike, Inteligjencën Artificiale dhe Teknologjinë) në Universitetin e Sofjes “Shën Klimenti i Ohrit” u nderua si një artikull kryesor në një nga ngjarjet më prestigjioze në botën e inteligjencës..
Dymbëdhjetë mendje të bukura të reja të Bullgarisë u nderuan nga Presidenti Rumen Radev në një ceremoni të veçantë, ku u ndanë çmimet vjetore "John Atanasoff". Eventi u zhvillua dy ditë pas ditëlindjes së shpikësit të shquar me origjinë bullgare..
Përmbytjet e radhës në bregdetin e Detit të Zi janë rezultat i ndërtimit të pakontrolluar, mjedisit natyror të shkatërruar dhe mosveprimit institucional, thuhet në një deklaratë nga Dhoma e Arkitektëve në Bullgari. Sipas organizatës profesionale,..
Kur kontributi në fushën e shkencës kthehet në bazë për studime të mëtejshme të thelluara, kufijtë midis shteteve dhe kontinenteve sikur shkrihen – në..
Vërehet një tendencë e qëndrueshme për kthimin e bullgarëve nga jashtë, u bë e ditur gjatë forumit “Evropa është me mua”, organizuar nga Autoriteti..
Në Patagoninë argjentinase, në fundin e botës, qyteti Komodoro Rivadavia ruan historinë e kolonistëve bullgarë, pasardhësit e të cilëve edhe sot e kësaj..